'മഹേഷിന്റെ പ്രതികാര'ത്തിലെ 'ചിൽ സാറ' വീണ്ടുമെത്തുന്നു

മഹേഷിന്റെ പ്രതികാരത്തിൽ എൽദോച്ചായനും സാറയും ഉൾപ്പെട്ട കിടിലൻ സീൻ ആരും മറക്കാനിടയില്ല. അതിലെ ചിൽ സാറ ചിൽ സംഭാഷണം ഏവരുടേയും മനസ്സിലുണ്ടാകും. ആ രംഗത്തിൽ ദിലീഷ് പോത്തൻ അഭിനയിച്ച എൽദോച്ചായന്റെ കഥാപാത്രത്തിന്റെ ഭാര്യയായി അഭിനയിച്ചത് യഥാർത്ഥത്തിൽ മഹേഷിന്‍റെ പ്രതികാരത്തിന്‍റെ കഥാകാരൻ ശ്യാം പുഷ്കരന്‍റെ ഭാര്യയായ ഉണ്ണിമായയാണ്.

ഇപ്പോഴിതാ ആഷിക് അബുവിന്‍റെ പുതിയ ടൊവീനോ ചിത്രമായ മായാനദിയിൽ പുതിയ ഗെറ്റപ്പിലെത്തുകയാണ് താരം. ആലപ്പുഴ ജില്ലയിലെ തുറവൂർ സ്വദേശിയാണ് ശ്യാം പുഷ്കരൻ. ആര്‍ക്കിടെക്റ്റും ഇന്റീരിയര്‍ ഡിസൈനറുമായ ഉണ്ണിമായ മഹേഷിന്റെ പ്രതികാരം, അഞ്ച് സുന്ദരികൾ എന്ന ചിത്രങ്ങളിൽ സഹസംവിധായകയുമായിരുന്നു. പ്രണയവിവാഹമായിരുന്നു ഇവരുടേത്. മണിപ്പാൽ എൻജിനിയറിങ്ങ് കൊളജിലെ അസിസ്റ്റന്റ് പ്രഫസറായിരുന്ന ഉണ്ണിമായ ശ്യാമിനൊപ്പം നിൽക്കാനായാണ് ജോലി രാജിവച്ചത്. ശ്യാം പുഷ്കരനും ദിലീഷും ഒരുമിച്ച തൊണ്ടിമുതലും ദൃക്സാക്ഷിയും ഇപ്പോൾ തിയറ്ററുകളിൽ ഹിറ്റായി ഒാടുകയുമാണ്.

syam pushkaran's wife unnimaya new role

syam pushkaran's wife unnimaya new role in ashique abu's mayanadhi.