നടൻ കാർത്തിയ്ക്കും രഞ്ജനിയ്ക്കും ആൺകുഞ്ഞ് ജനിച്ചു; ജീവിതം മാറ്റി മറിച്ച അനുഭവമെന്ന് താരം!

തമിഴ് സൂപ്പർതാരം കാർത്തിയ്ക്കും ഭാര്യ രഞ്ജനിയ്ക്കും രണ്ടാമത്തെ കുഞ്ഞ് പിറന്നു. ആൺകുഞ്ഞാണ്, കാർത്തി തന്നെയാണ് ഈ വിശേഷം ആരാധകരുമായി പങ്കുവെച്ചിരിക്കുന്നത്. 'ജീവിതം മാറ്റി മറിച്ച അനുഭവം' എന്നാണ് കാർത്തി ഈ പുതിയ വിശേഷം പങ്കുവെച്ചിരിക്കുന്നത്. 'സുഹൃത്തുക്കളേ കുടുംബാംഗങ്ങളേ ഞങ്ങൾക്ക് ഒരു ആൺകുട്ടി പിറന്നിരിക്കുന്നു'.

Also Read: വിവാദങ്ങള്‍ അവസാനിക്കുന്നു; പൃഥ്വി തന്നെ കുറുവച്ചന്‍

ജീവിതം മാറ്റിമറിക്കുന്ന ഈ അനുഭവത്തിലൂടെ കടത്തിക്കൊണ്ടു വന്ന ഡോക്ടർമാർക്കും നേഴ്സുമാർക്കും വലിയ നന്ദിയെന്നും കാർത്തി കുറിച്ചു. ഞങ്ങളുടെ കുഞ്ഞിന് നിങ്ങളുടെ എല്ലാവരുടെയും അനുഗ്രഹമുണ്ടാകണമെന്നും ദൈവത്തിന് നന്ദിയെന്നും കാർത്തി കുറിച്ചു.


കാർത്തിയുടെ ജ്യേഷ്ഠ സഹോദരനും നടനുമായ സൂര്യയും കാർത്തിയുടെ സന്തോഷ വാർത്ത അറിയിച്ചു കൊണ്ടുള്ള ട്വീറ്റ് റീട്വീറ്റ് ചെയ്തിട്ടുമുണ്ട്. വീ ആർ ബ്ലെസ്സ്ഡ് എന്ന് കുറിച്ചു കൊണ്ടാണ് സൂര്യയുടെ ട്വീറ്റ്.

Also Read: പൃഥ്വിയുമായി സമ്പർക്കം; സുരാജ് വെഞ്ഞാറമ്മൂട് ക്വാറൻ്റൈനിൽ!

2011ലാണ് കാർത്തി കോയമ്പത്തൂര്‍ ഈറോഡ് സ്വദേശിയായ രഞ്ജനിയെ വിവാഹം ചെയ്തത്. ചിന്നസ്വാമിയുടെയും ജ്യോതി മീനാക്ഷിയുടെയും മകളാണ് രഞ്ജനി. 2013ലാണ് ഇവർക്ക് ആദ്യത്തെ കുട്ടി ജനിക്കുന്നത്. ഉമയാൾ എന്നാണ് ആദ്യത്തെ കുട്ടിക്ക് നൽകിയ പേര്.