എന്നാല്‍ ചിമ്പു മാത്രമല്ല, വേദിയില്‍ പരസ്യമായി അപമാനിക്കപ്പെട്ടപ്പോഴും പ്രശംസിക്കപ്പെട്ടപ്പോഴും പൊട്ടിക്കരഞ്ഞ താരങ്ങള്‍ വേറെയും ഉണ്ട് തമിഴകത്ത്. അങ്ങനെ പൊട്ടിക്കരഞ്ഞ് വൈറലായ ചില താരങ്ങളെ കുറിച്ചാണ് ഇനി പറയുന്നത്.
സൂര്യ
സാമൂഹിക കാര്യങ്ങളില്‍ നിരന്തരം ഇടപെടുന്ന നടനാണ് സൂര്യ. മറ്റുള്ളവരുടെ കണ്ണുനീര്‍ കാണുമ്പോള്‍ ഇടപെടുന്ന സൂര്യയുടെ പ്രവൃത്തികള്‍ പലപ്പോഴും പ്രശംസിയ്ക്കപ്പെട്ടിട്ടുണ്ട്. തന്റെ ഫൗണ്ടേഷനില്‍ ഒരു കുട്ടി താന്‍ പിന്നിട്ട ജീവിതത്തെ കുറിച്ച് പറഞ്ഞപ്പോള്‍ വേദിയിലിരുന്ന കരയുന്ന സൂര്യയെ ക്യാമറകള്‍ ശ്രദ്ധിച്ചിരുന്നു. ഫോട്ടോ വൈറലാകുരയും ചെയ്തു
അരുണ്‍ വിജയ്
പ്രശസ്ത നടന് വിജയകുമാറിന്റെ മകന്‍ വളരെ ചെറുപ്പത്തില്‍ തന്നെ സിനിമയില്‍ വന്നു എങ്കിലും കരിയറില്‍ ഒരു ബ്രേക്ക് കിട്ടിയിരുന്നില്ല. അജിത്ത് നായകനായി എത്തിയ എന്നൈ അറിന്താല്‍ എന്ന ചിത്രത്തിലെ വില്ലന്‍ വേഷമാണ് നടന് ബ്രേക്ക് നേടിക്കൊടുത്തത്. ചിത്രത്തിന് ശേഷം പ്രേക്ഷകര്‍ നല്‍കിയ സ്വീകരണത്തിന്റെ സന്തോഷത്തില്‍ അരുണ്‍ വിജയ് കരഞ്ഞത് സോഷ്യല്‍ മീഡിയ ഏറ്റെടുത്തിരുന്നു
ശരത്ത് കുമാര്‍
തമിഴ് സിനിമാ താര സംഘടനയായ നടികര്‍ സംഘത്തില്‍ എപ്പോഴും പ്രശ്‌നങ്ങളാണ്. അന്നത്തെ പ്രസിഡന്റ് ആയിരുന്ന ശരത്ത് കുമാറിനെ അഴിമതിക്കാരന്‍ എന്ന് വിളിച്ചപ്പോള്‍ മുതിര്‍ന്ന നടന് കരഞ്ഞ് പോയത് വാര്‍ത്തയായി. വിശാലുമായുള്ള ശരത്ത് കുമാറിന്റെ പ്രശ്‌നം അല്പം ഗൗരവം തന്നെയായിരുന്നു. ഇതേ തുടര്‍ന്ന് വരലക്ഷ്മി ശരത്ത് കുമാറുമായുള്ള പ്രണയം പോലും വിശാലിന് ത്യജിക്കേണ്ടി വന്നു
ജയം രവി
ആനന്ദ കണ്ണീരാണ് ജയം രവിയുടേത്. കരിയറില്‍ മികച്ച സിനിമകള്‍ ചെയ്തിരുന്നു എങ്കിലും തനി ഒരുവന്‍ എന്ന ചിത്രം നടനെ സംബന്ധിച്ച് വലിയൊരു നേട്ടമായിരുന്നു. ചേട്ടന്‍ മോഹന്‍രാജ് സംവിധാനം ചെയ്ത തനി ഒരുവന്റെ സക്‌സസ് മീറ്റിലാണ് ജയം രവി വികാരഭരിതനായത്.
ധന്‍ഷിക
അപമാനിക്കപ്പെട്ടപ്പോഴാണ് നടി ധന്‍ഷിക പൊതു വേദിയില്‍ കണ്ണീര്‍ പൊഴിച്ചത്. മുതിര്‍ന്ന നടന് ടി രാജേന്ദ്രന്റെ വാക്കുകള്‍ നടിയെ വേദനിപ്പിച്ചു. രജനികാന്തിന്റെ കബാലി എന്ന ചിത്രത്തിന്റെ വിജയത്തില്‍ നില്‍ക്കുന്ന സമയമായിരുന്നു ധന്‍ഷിക. വേദിയില്‍ വച്ച് രാജേന്ദ്രന്‍ പരസ്യമായി അപമാനിച്ചപ്പോള്‍ നടി കരഞ്ഞ വീഡിയോ വൈറലായി.