കണ്ണില്‍ ചോരയില്ലാത്ത കാമുകിയുടെ പ്രണയകഥ പറഞ്ഞ് അശ്വതി ശ്രീകാന്ത്

മിനിസ്‌ക്രീന്‍ പ്രേക്ഷകരുടെ പ്രിയ അവതാരകയും എഴുത്തുകാരിയുമായ അശ്വതി ശ്രീകാന്ത് ഫേസ്ബുക്കിൽ കുറിച്ച കണ്ണിൽ ചോരയില്ലാത്ത കാമുകിയുടെ കഥ ശ്രദ്ധേയമാകുന്നു. തൻ്റെ ഏഴാം വിവാഹ വാര്‍ഷിക ദിനത്തിലാണ് ജീവിതാനുഭവം അശ്വതി സോഷ്യൽ മീഡിയയിൽ കുറിച്ചത്.

അശ്വതിയും ശ്രീകാന്തും പ്രണയിച്ച് വിവാഹം കഴിച്ചവരാണ്. എന്നാല്‍, വീട്ടുകാര്‍ സമ്മതിച്ചിട്ട് കല്യാണം നടക്കുമെന്ന് പ്രതീക്ഷയില്ലാതിരുന്ന കാലത്ത് ഇറങ്ങി വരുമോ എന്ന് ചോദിച്ച കാമുകനോട് തനിക്ക് മേക്കപ്പ് ഒക്കെ ഇട്ട് കല്യാണ സാരിയൊക്കെ ഉടുത്തൊരു ഫോട്ടോ എടുക്കണമെന്നും രജിസ്റ്റര്‍ മാരേജിൻ്റെ ഫോട്ടോ ഫ്രെയിം ചെയ്താല്‍ ഒരു രസവും ഉണ്ടാവില്ല എന്ന് പറഞ്ഞ അനുഭവമാണ് അശ്വതി പങ്കുവെച്ചിരിക്കുന്നത്.

കുറച്ച് കാത്തിരുന്നിട്ടായാലും വീട്ടുകാര്‍ സമ്മതിച്ച് കല്യാണം കഴിച്ചതിൻ്റെ സന്തോഷവും അശ്വതി ശ്രീകാന്ത് ഫേസ്ബുക്ക് കുറിപ്പിലൂടെ പങ്കുവെച്ചു.

Also Read: തുഷാറിനായി മുഖ്യമന്ത്രിയുടെ ഇടപെടൽ; വിമർശിച്ച് ജോയ് മാത്യു, മറുപടിയുമായി ഹരീഷ് പേരടി

അശ്വതി ശ്രീകാന്തിൻ്റെ ഫേസ്ബുക്ക് കുറിപ്പിൻ്റെ പൂര്‍ണ്ണ രൂപം കാണാം

Also Read: ജോഷിസാര്‍ എനിക്ക് തന്ന സമ്മാനമാണ് 'പൊറിഞ്ചു': ജോജു ജോര്‍ജ്ജ്

വീട്ടുകാര് സമ്മതിച്ചിട്ട് കല്യാണം നടക്കുമെന്നു ഒരു പ്രതീക്ഷയുമില്ലാതിരുന്ന കാലത്ത് കാമുകൻ്റെ ക്‌ളീഷേ ചോദ്യം : ഞാൻ വിളിച്ചാ നീ ഇറങ്ങി വരുവോ?
കണ്ണിൽ ചോരയില്ലാത്ത കാമുകി: ഇല്ല 😐
കാമുകൻ: നിനക്കല്ലേലും നിന്റെ വീട്ടുകാരാ വലുതെന്ന് എനിക്കറിയാം...ഒടുവിൽ ഞാൻ മണ്ടനാകും (അന്ന് ‘ശശി’ പ്രയോഗം നിലവിൽ വന്നിരുന്നില്ല)
കാമുകി: ഓഹ്, അതല്ലെന്ന്... എനിക്ക് മേക്കപ്പ് ഒക്കെ ഇട്ട് കല്യാണ സാരിയൊക്കെ ഉടുത്തൊരു ഫോട്ടോ എടുക്കണം. രജിസ്റ്റർ മാരേജിൻ്റെ ഫോട്ടോ ഫ്രെയിം ചെയ്‌താൽ ഒരു രസോണ്ടാവൂല്ല 😬
കാമുകൻ : 🙆🏻‍♂️

Also Read: ആദിത്യൻ്റെ കവിളിൽ അമര്‍ത്തി ചുംബിച്ച് അമ്പിളി ദേവി

കൊല്ലം കുറെ കാത്തിരുന്നെങ്കിലും വീട്ടുകാര് കല്യാണം അടിപൊളിയാക്കി തന്നു. ആഗ്രഹം പോലെ കല്യാണ ഫോട്ടോയുമെടുത്തു, ഫ്രെയിമും ചെയ്തിട്ട് ഇന്ന് കൊല്ലം ഏഴായി. പക്ഷേ അത് തൂക്കാൻ ഭിത്തിയേൽ എങ്ങാൻ ആണിയടിച്ചാൽ വിവരമറിയും ന്ന് അച്ഛൻ പറഞ്ഞിട്ടുണ്ട്. അല്ലേലും അച്ഛൻ സമ്മതിക്കാതെ ഞാൻ ഒന്നും ചെയൂല്ലല്ലോ 🙈

Happy anniversary my love Sreekanth Sree

Also Read: 'ജാതീയമായി ഒന്നും പറഞ്ഞിട്ടില്ല; ഉപകാരം ചെയ്താലും ഉപദ്രവം ചെയ്യരുത്': നജീം അർഷാദ്