ആരാധകരെ ഞെട്ടിച്ച് തമിഴകത്തിന്‍റെ സൂപ്പര്‍ ആങ്കര്‍ വിവാഹിതയായി

ആരാധകലോകത്തെ ഒന്നടങ്കം ഞെട്ടിച്ച് തമിഴകത്തിന്‍റെ സൂപ്പര്‍ ആങ്കര്‍ മണിമേഖലൈ വിവാഹിതയായി. സിനിമാതാരങ്ങളെ പോലെ തന്നെ ഏറെ ആരാധക സമ്പത്തുള്ള മണിമേഖലൈ തന്‍റെ വിവാഹ വിവരം ഫേസ്ബുക്കിലൂടെയാണ് ഏവരെയും അറിയിച്ചത്. പ്രണയത്തിന് മതമില്ലെന്ന് ചൂണ്ടിക്കാട്ടിക്കൊണ്ടാണ് മണിമേഖലൈയുടെ ഫേസ്ബുക്ക് കുറിപ്പ്.

‘ഹുസൈനും ഞാനും ഇന്ന് വിവാഹിതരായി. അച്ഛനെ പറഞ്ഞ് ബോധ്യപ്പെടുത്താന്‍ കഴിഞ്ഞില്ല. ഒരു ദിവസം അദ്ദേഹം എന്നെ മനസ്സിലാക്കുമെന്നാണ് വിശ്വാസം. രജിസ്റ്റര്‍ വിവാഹം പെട്ടെന്നുള്ള തീരുമാനമായിരുന്നു. പ്രണയത്തിന് മതമില്ല. മണിമേഘലൈ കുറിച്ചു. ഹുസൈൻ മറ്റൊരു മതത്തിൽപ്പെട്ട ആളായതിനാൽ മണിമേഘലൈയുടെ വീട്ടുകാര്‍ വിവാഹത്തിന് സമ്മതിച്ചിരുന്നില്ല. തുടർന്ന് സുഹൃത്തുക്കളുടെ സാനിധ്യത്തിലാണ് ഇരുവരും രജിസ്റ്റർ വിവാഹം നടത്തിയത്.