ബാലയുടെ പ്രതികരണം
അമൃത സുരേഷിന്റെ മുന്‍ ഭര്‍ത്താവും നടനുമായ ബാലയുടെ പ്രതികരണമാണ് ഇപ്പോള്‍ യൂട്യൂബിലും സോഷ്യല്‍ മീഡിയയിലും വൈറലാവുന്നത്. ഞാനിപ്പോള്‍ സ്വസ്തമായ ഒരു കുടുംബ ജീവിതം നയിക്കുകയാണ് എന്നും, മറ്റുള്ളവരുടെ ജീവിതത്തില്‍ അഭിപ്രായം പറയാനുള്ള അവകാശം തനിയ്ക്കില്ല എന്നുമാണ് ബാലയുടെ ആദ്യത്തെ പ്രതികരണം.
അവരെയും ദൈവം അനുഗ്രഹിക്കട്ടെ
അവര്‍ അങ്ങിനെ ജീവിയ്ക്കുകയാണ് എങ്കില്‍ അങ്ങിനെ പോകട്ടെ. എനിക്ക് അഭിപ്രായം പറയാന്‍ അവകാശം ഇല്ല. അവരും നന്നായി ഇരിക്കട്ടെ. ഞാന്‍ പ്രാര്‍ത്ഥിയ്ക്കാം. ദൈവം അനുഗ്രഹിക്കട്ടെ. - അമൃതയുടെ പേര് പരമാര്‍ശിക്കാതെ ബാല പറഞ്ഞു.
എന്റെ ജീവിതം അല്ല അത്
അവനവന്‍ ചെയ്യുന്ന തെറ്റിന് അവനവന്‍ തന്നെ അനുഭവിയ്ക്കണം. നല്ലത് ചെയ്താല്‍ നല്ലത് നടക്കും. കഴിഞ്ഞ ദിവസ മുതല്‍ എനിക്ക് നിര്‍ത്താതെ കോളുകള്‍ വരികയാണ്. എന്റെ അഭിപ്രായം എന്താണെന്നാണ് ചോദിയ്ക്കുന്നത്. ആദ്യത്തെക്കാര്യം അത് എന്റെ ജീവിതം അല്ല. ഞാന്‍ പുതിയ ജീവിതത്തിലേക്ക് പോയി. നല്ല ഭംഗിയായി ജീവിയ്ക്കുകയാണ്.
ബാല അമൃത ബന്ധം
ഐഡിയ സ്റ്റാര്‍ സിംഗറിലെ മത്സരാര്‍ത്ഥിയായിരുന്നു അമൃത സുരേഷ്. അതിഥി വിധിര്‍ത്താവായി എത്തിയ ബാല അവിടെ വച്ചാണ് അമൃതയെ പരിചയപ്പെട്ടുന്നത്. തുടര്‍ന്ന് പ്രണയിച്ച് വിവാഹം കഴിച്ചു. 2010 ല്‍ ആയിരുന്നു വിവാഹം. 2019 ല്‍ വേര്‍പിരിയുകയും ചെയ്തു. ഈ ബന്ധത്തില്‍ ഒരു മകളും ഉണ്ട്.