അര്‍ജുന്റെ പോസ്റ്റ്
2010 മാര്‍ച്ച് 7നാണ് നിഖിതയെ ആദ്യമായി പ്രൊപ്പോസ് ചെയ്യുന്നത്. അന്‍വിയുടെ അമ്മ ഇപ്പോള്‍ അങ്ങനെ വിളിക്കാനാണ് എനിക്കിഷ്ടം. 12 വര്‍ഷത്തെ സന്തോഷം എന്ന ക്യാപ്ഷനോടെയായാണ് അര്‍ജുന്‍ കുറിപ്പ് പോസ്റ്റ് ചെയ്തത്. അമേയ മാത്യു. ശില്‍പ ബാല, മഞ്ജു രിള്ള, സിദ്ധാര്‍ത്ഥ് മേനോന്‍, സിതാര കൃഷ്ണകുമാര്‍ തുടങ്ങി നിരവധി പേരാണ് അര്‍ജുന്റെ പോസ്റ്റിന് താഴെയായി കമന്റുകളുമായെത്തിയത്.
വിവാഹത്തെക്കുറിച്ച്
ബി ടെക് എന്ന സിനിമയില്‍ അഭിനയിച്ച് കഴിഞ്ഞതിന് ശേഷമായാണ് അര്‍ജുന്‍ നിഖിതയെ താലി ചാര്‍ത്തിയത്. ജാതകപ്രകാരം25 വയസിനുള്ളില്‍ വിവാഹം നടക്കണമെന്നുണ്ടായിരുന്നു. അല്ലെങ്കില്‍ 32ലെ നടക്കൂയെന്ന് ജാതകത്തിലുണ്ടായിരുന്നു. ഇതേക്കുറിച്ചോര്‍ത്ത് അച്ഛനും അമ്മയും നന്നായി ടെന്‍ഷനടിച്ചിരുന്നുവെന്ന് മുന്‍പൊരു അഭിമുഖത്തില്‍ അര്‍ജുന്‍ പറഞ്ഞിരുന്നു.
എതിര്‍പ്പുകളുണ്ടായിരുന്നു
പ്രണയത്തെക്കുറിച്ച് അറിഞ്ഞപ്പോള്‍ ചില എതിര്‍പ്പുകളൊക്കെ ഞങ്ങള്‍ക്കും നേരിടേണ്ടി വന്നിരുന്നു എന്നും അര്‍ജുന്‍ പറഞ്ഞിരുന്നു. ബിടെക് ചിത്രീകരണം കഴിഞ്ഞ് മടങ്ങുന്നതിനിടയിലായിരുന്നു നിഖിത വിളിച്ച് കല്യാണം തീരുമാനിച്ചു എന്ന് പറഞ്ഞത്. ആരുമായിട്ട് എന്ന് ചോദിച്ചപ്പോള്‍ നിങ്ങള്‍ തന്നെ എന്നായിരുന്നു മറുപടി. എല്ലാം ഓക്കെയായെന്ന് അവള്‍ പറഞ്ഞപ്പോള്‍ ഞെട്ടലായിരുന്നു. സാമ്പത്തികമായി വിവാഹത്തിന് തയ്യാറല്ലായിരുന്നു. അന്ന് മുതല്‍ ഓടിനടന്ന് വിവാഹം മനോഹരമായിത്തന്നെ നടത്തുകയായിരുന്നു അര്‍ജുന്‍.
നായകനായും
ഹീറോ ആവണമെന്നുള്ള ആഗ്രഹമൊന്നുമുണ്ടായിരുന്നില്ല. എന്നാല്‍ തന്നെക്കൊണ്ട് അങ്ങനെ ചെയ്യാനാവുമെന്ന് തോന്നിത്തുടങ്ങിയപ്പോള്‍ സന്തോഷമായിരുന്നു. മെമ്പര്‍ രമേശനിലേക്ക് ആദ്യം വിളിച്ചപ്പോള്‍ ചെയ്യാന്‍ പറ്റില്ലെന്നായിരുന്നു പറഞ്ഞത്. ഇതൊക്കെ എന്നെക്കൊണ്ട് ചെയ്യാനാവുമോയെന്നൊക്കെയായിരുന്നു ആശങ്ക. ചെയ്ത് തുടങ്ങിയപ്പോളാണ് അത് മാറിയതും ആത്മവിശ്വാസം കൂടിയതുമെന്നും അര്‍ജുന്‍ പറഞ്ഞിരുന്നു.