നിക്കിയും ആദിയും പ്രണയത്തിൽ? ഇരുവരും ഒരുമിച്ചുള്ള ചിത്രങ്ങള്‍ക്ക് പിന്നിൽ

തെന്നിന്ത്യന്‍ താരം ആദി പിനിസെട്ടിയാണ് നിക്കിയുടെ കാമുകനെന്ന റിപ്പോര്‍ട്ടുകളാണ് ഇപ്പോള്‍ പുറത്തുവന്നിരിക്കുന്നത്. ഇരുവരും തമ്മിലുള്ള ചില ചിത്രങ്ങള്‍ സോഷ്യൽമീഡിയയിൽ പ്രചരിച്ചതോടെയാണിത്. ആദിയുമായി നിക്കി പ്രണയത്തിലാണെന്നും ഇരുവരും തമ്മിലുള്ള വിവാഹം ഉടനുണ്ടാകുമെന്നുള്‍പ്പെടെ തമിഴ് മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്.

ആദിയുടെ അച്ഛനും സംവിധായകനുമായ രവിരാജ പിനിസെട്ടിയുടെ ജന്‍മദിനാഘോഷത്തില്‍ പങ്കെടുക്കാനെത്തിയ നിക്കിയുടെ ചിത്രം പുറത്തുവന്നതോടെയാണ് ഇരുവരും പ്രണയത്തിലാണെന്ന തരത്തിലുള്ള റിപ്പോര്‍ട്ടുകള്‍ വന്നു തുടങ്ങിയത്. ജൂലൈ 14ന് ആയിരുന്നു രവിരാജയുടെ ജന്‍മദിനാഘോഷം നടന്നിരുന്നത്.

Also Read: പ്രതിസന്ധികൾക്കൊടുവിൽ സന്തോഷവാനായി വിഷ്ണു വിശാൽ: പിറന്നാളിന് സ്പെഷ്യൽ സർപ്രൈസ് നൽകി ജ്വാല ഗുട്ട!

ചിത്രങ്ങളിൽ ആദിയുടെ കുടുംബത്തിനൊപ്പം നിക്കിയും ഇരിക്കുന്ന ചിത്രങ്ങളുണ്ട്. കൊവിഡ് ലോക്ഡൗണിനിടെക്ക് ഡൗണിനിടെ ചെന്നൈയില്‍ ആയിരുന്നു ചടങ്ങ് നടന്നത്. എന്നാല്‍ പ്രണയത്തെ കുറിച്ചോ വിവാഹത്തെ കുറിച്ചോ ഒന്നും നിക്കിയും ആദിയും ഇതുവരെ വെളിപ്പെടുത്തിയിട്ടുമില്ല. നിക്കിയും ആദിയും ഡേറ്റിങ്ങിലാണെന്ന് മുമ്പും വാര്‍ത്തകള്‍ വന്നിട്ടുണ്ട്.

'യാഗവരായിനം നാ കാക്ക', 'മറഗാധ നാനയം' എന്നീ സിനിമകളിലാണ് നിക്കിയും ആദിയും നായികാ നായകന്‍മാരായി ഒരുമിച്ച് അഭിനയിച്ചിട്ടുള്ളത്. മുമ്പൊരു അഭിമുഖത്തിൽ താന്‍ പ്രണയത്തിലാണെന്നും കാമുകനെ താൻ കണ്ടുമുട്ടിയത് ചെന്നൈയില്‍ വച്ചാണെന്നുമുള്ള നിക്കിയുടെ വെളിപ്പെടുത്തലും ആദിയുടെ വീട് ചെന്നൈയിലാണെന്നതും കൂട്ടിവായിച്ചാൽ ഇവരുടെ പ്രണയത്തിനുള്ള ഉത്തരം കിട്ടുമെന്നാണ് ആരാധകരുടെ വാക്കുകള്‍.

Also Read: 'അഭിമുഖം ചെയ്യാന്‍ പരിചയപ്പെട്ടു, അത് പ്രണയമായി മാറി, ഒടുവിൽ വിവാഹം'; പ്രിയതമയോട് മനസ് തുറന്ന് നരെയ്ൻ