ഫോട്ടോഷൂട്ടിനെ കുറിച്ച്
ഇന്ത്യഗ്ലിഡ്സിന് നല്കിയ അഭിമുഖത്തില് സംസാരിക്കവെയാണ് തന്റെ ഫോട്ടോഷൂട്ടിന് പിന്നിലുള്ള സത്യാവസ്ഥ മാളവിക വിശദീകരിച്ചത്. കൊവിഡ് കാലത്താണ് ഞാന് കൂടുതലും ഫോട്ടോഷൂട്ടില് ശ്രദ്ധ കേന്ദ്രീകരിച്ചിരുന്നത്. ആ സമയത്ത് അതല്ലാതെ മറ്റൊന്നും ചെയ്യാന് ഉണ്ടായിരുന്നില്ലല്ലോ. പക്ഷെ ഇപ്പോള് ഫോട്ടോഷൂട്ട് നടത്തുന്നത് അല്പം കുറച്ചിട്ടുണ്ട്.
വൈറലായ ഫോട്ടോഷൂട്ട്
അന്ന് വൈറലായ മഞ്ഞ വസ്ത്രം ധരിച്ചുള്ള ഫോട്ടോഷൂട്ടിന് എതിരെ പല രീതിയിലും വിമര്ശനങ്ങള് വന്നിരുന്നു. ഞാന് നൈറ്റിയാണ് ഇട്ടത്, അടിയില് വേറെ ഒന്നും ധരിച്ചില്ല എന്നൊക്കെയായിരുന്നു കമന്റുകള്. പക്ഷെ ഞാന് ധരിച്ചത് നൈറ്റി അല്ല. അതൊരു ട്രെന്റിങ് കോസ്റ്റിയൂം ആണ്. ഞാന് അടിയില് എന്തെങ്കിലും ധരിച്ചോ എന്ന് മറ്റുള്ളവരെ ബോധ്യപ്പെടുത്തേണ്ടതില്ല. ആ വസ്ത്രത്തില് എന്റെ സ്ട്രാപ് വരെ കാണാമായിരുന്നു.
നേരത്തെ പങ്കുവച്ചിരുന്നു
എന്റെ കുടുംബത്തിനൊപ്പം മൂന്നാറിലേക്ക് പോയപ്പോള് നടത്തിയ ഫോട്ടോഷൂട്ട് ആണ് അത്. അത് മാത്രമല്ല വേറെയും വസ്ത്രം ധരിച്ചുകൊണ്ടുള്ള ഫോട്ടോസ് എടുത്തിരുന്നു. പക്ഷെ വൈറലായത് ആ ഒരു ചിത്രം മാത്രമാണ്. അതിന്റെ ഫോട്ടോസ് എല്ലാം ഞാന് സോഷ്യല് മീഡിയയില് നേരത്തെ പോസ്റ്റ് ചെയ്തിരുന്നു. പക്ഷെ അപ്പോഴൊന്നും ആരും ശ്രദ്ധിച്ചിരുന്നില്ല.
അത് പോസ്റ്റ് ചെയ്തത്
കുറച്ച് നാള് കഴിഞ്ഞപ്പോഴാണ് ഞാന് യൂട്യൂബ് ചാനല് തുടങ്ങിയത്. അന്ന് മൂന്നാറില് നിന്നും എടുത്ത ഫോട്ടോസും വീഡിയോസും എല്ലാം ചേര്ത്ത് വച്ച് ഞാന് തന്നെ എഡിറ്റ് ചെയ്ത് ആ വീഡിയോ യൂട്യൂബില് പോസ്റ്റ് ചെയ്തു. എന്റെ ആദ്യത്തെ വീഡിയോ. പിറ്റേന്ന് ഉച്ചയായപ്പോഴേക്കും ഫോണില് നിരന്തരം മെസേജുകളും കോളുകളും വരാന് തുടങ്ങി. എടുത്ത് നോക്കുമ്പോള്, ഞാന് എഡിറ്റ് ചെയ്ത വീഡിയോ മറ്റുള്ളവര് അവരുടെ സൗകര്യത്തിന് എഡിറ്റ് ചെയ്ത് ഇട്ടിരിയ്ക്കുകയായിരുന്നു. അത് അവരുടെ കാഴ്ചപാടിന്റെ പ്രശ്നമാണ്, എന്റെ കുഴപ്പമല്ല- മാളവിക പറഞ്ഞു