പലപ്പോഴും സോഷ്യല്‍ മീഡിയ ട്രോളുകള്‍ക്കും പ്രയാഗ ഇരയായിട്ടുണ്ട്. വളരെ മോശം കമന്റുകള്‍ വരുമ്പോള്‍ പോലും തന്റെ മാന്യത വിട്ട് നടി പ്രതികരിക്കാറില്ല, ദ ക്യുവിന് നല്‍കിയ അഭിമുഖത്തില്‍ ഇത്തരം ട്രോളുകള്‍ എങ്ങിനെയാണ് തന്നെ ബാധിയ്ക്കുന്നത് എന്നതിനെ കുറിച്ച് പ്രയാഗ സംസാരിയ്ക്കുകയുണ്ടായി. നടിയുടെ വാക്കുകളിലൂടെ തുടര്‍ന്ന് വായിക്കാം.
സ്‌പോട്ടീവ് ആയിട്ടാണ് എടുക്കുന്നത്
പ്രൊഫഷണല്‍ ഫേസില്‍ വരുമ്പോള്‍ എനിക്ക് അറിയാം ഞാനൊരു പബ്ലിക് ഫിഗര്‍ ആണെന്ന്. അതുകൊണ്ട് തന്നെ ജനങ്ങള്‍ക്ക് എന്നെ കുറിച്ച് കമന്റ് പറയാനുള്ള അവകാശം ഉണ്ട്. നല്ല കമന്റ് ആണെങ്കില്‍ അത് പ്രശംസയായിട്ടും മോശം കമന്റ് ആണെങ്കില്‍ അത് വിമര്‍ശനവുമായിട്ടാണ് കാണുന്നത്. ഇതിന്റെ രണ്ടിനും ഇടയില്‍ ആണ് ഞാന്‍ അത്തരം കമന്റുകളെ കാണുന്നത്. വളരെ സ്‌പോട്ടീവ് ആയിട്ട് മാത്രമാണ് അത്തരം കമന്റുകള്‍ ഞാന്‍ സ്വീകരിയ്ക്കുന്നതും.
പക്ഷെ എന്തിനും ഒരു പരിതിയുണ്ട്
കമന്റുകള്‍ ഒന്നും ഞാന്‍ വ്യക്തിപരമായി എടുക്കാറില്ല. ആ ശീലം എനിക്ക് എന്റെ സൗഹൃദത്തില്‍ നിന്നും ലഭിച്ചതായിരിയ്ക്കാം. പക്ഷെ എല്ലാത്തിനും ഒരു പരിതിയുണ്ട്. സോഷ്യല്‍ മീഡിയയില്‍ ആണെങ്കിലും ഒരു ലൈന്‍, ഒരു മാര്‍ജിന്‍, ഒരു മര്യാദ.. മര്യാദയടെ പ്രോട്ടോക്കോള്‍ എല്ലാം എല്ലാവരും കുറച്ച് സൂക്ഷിച്ചാല്‍ നന്നായിരിയ്ക്കും.
അതിന് അപ്പുറം കടക്കുമ്പോഴാണ് പ്രശ്‌നം
ഞാന്‍ ആരെയും ട്രോള്‍ ചെയ്യാനോ വിമര്‍ശിക്കാനോ പോകുന്നില്ലല്ലോ, അപ്പോള്‍ അതേ മര്യാദ ഞാനും പ്രതീക്ഷിയ്ക്കുന്നു. ഒരു പരിതിവരെ ഓകെ. കളിയും ചിരിയും തമാശയും എല്ലാം ശരിയാണ്. പക്ഷെ അതിനും അപ്പുറത്തേക്ക് കടക്കുമ്പോള്‍ ആണ് പ്രശ്‌നം.
പുതിയ സിനിമകള്‍
കളത്തില്‍ സന്തിപ്പോം എന്ന തമിഴ് ചിത്രമാണ് പ്രയാഗയുടെ അടുത്ത റിലീസ്. ജീവ നായകനാകുന്ന ചിത്രത്തില്‍ അതിഥി താരമായിട്ടാണ് പ്രയാഗ എത്തുന്നത്. ജമാലിന്റെ പുഞ്ചിരി എന്ന മലയാള സിനിമയിലാണ് നിലവില്‍ നടി അഭിനയിച്ചുകൊണ്ടിരിയ്ക്കുന്നത്.
എന്റെ കാര്യം മാത്രമല്ല
എന്റെ കാര്യത്തില്‍ മാത്രമല്ല. മറ്റാരുടെ കാര്യത്തില്‍ ആണെങ്കിലും പരിതി കടന്ന് പോകുന്നതാണ് പ്രശ്‌നം. പ്രത്യേകിച്ചും സ്ത്രീകള്‍. അവരാണല്ലോ ഇപ്പോഴത്തെ സോഷ്യല്‍ മീഡിയ ആക്രമണങ്ങള്‍ക്ക് ഇരയാവുന്നത്- പ്രയാഗ മാര്‍ട്ടിന്‍ പറഞ്ഞു.