23 വര്‍ഷങ്ങള്‍; തോമസ് ചാക്കോയും തുളസിയും വീണ്ടും

'സ്ഫടികം' സിനിമയിൽ മോഹന്‍ലാല്‍ കഥാപാത്രം തോമസ് ചാക്കോയുടേയും ഉര്‍വശി അവതരിപ്പിച്ച തുളസി എന്ന കഥാപാത്രത്തിന്‍റേയും ബാല്യകാലം അവതരിപ്പിച്ചവർ വീണ്ടും കണ്ടുമുട്ടി. സിനിമ പുറത്തിറങ്ങി 23 വര്‍ഷങ്ങള്‍ക്ക് ശേഷമാണ് തോമസ് ചാക്കോയും തുളസിയും സിനിമയ്ക്ക് പുറത്ത് വീണ്ടും കണ്ടത്. രൂപേഷ് പീതാംബരനും ആര്യയും ആണ് ഈ കഥാപാത്രങ്ങള്‍ അവതരിപ്പിച്ചത്. ഇരുവരും ഒരുമിച്ചിരിക്കുന്ന ചിത്രം രൂപേഷ് ഫെയ്‌സ്ബുക്കില്‍ പോസ്റ്റ് ചെയ്തതോടെ വൈറലായിരിക്കുകയാണ്.