ഈ ടോം ഇമ്മട്ടി ഒരു അപാരസംഭവമാണ്...!!!

'ഒരു മെക്സിക്കൻ അപാരത'യെന്ന ചിത്രവുമായി ഒരു നവാഗതസംവിധായകൻ കൂടി മലയാളത്തിലെത്തുകയാണ്. കുറച്ചുനാളായി ഈ ചിത്രവും ഇതിലെ താരങ്ങളും സർവ്വോപരി ഇതിലെ സംവിധായകനും ച‍ർച്ചവിഷയമാണ്. ടോം ഇമ്മട്ടിയെന്നാണ് ഈ സംവിധായകന്‍റെ പേര്. മുടിയും താടിയുമൊക്കെ വളർത്തി ഒറ്റനോട്ടത്തിൽ ഒരു ജീസസ് ലുക്കിലാണ് ഇമ്മട്ടിയുടെ നടത്തം.



എന്നാൽ അധികമാർക്കും അറിയാത്ത ചിലകാര്യങ്ങളുണ്ട് ഈ ഇമ്മട്ടിയെപറ്റി. ആളൊരു അധ്യാപകനായിരുന്നു എന്നതാണ് ആദ്യത്തെ കാര്യം. കോളേജ് പഠനകാലത്ത് ഫിസിക്സിൽ പോസ്റ്റ് ഗ്രാജുവേഷൻ പൂ‍ർത്തിയാക്കിയ ടോം ഇമ്മട്ടി മസ്കറ്റിലെ ഇന്ത്യൻ സ്കൂളിൽ അധ്യാപകനായിരുന്നു. പിന്നീട് പരസ്യചിത്രരംഗത്തെത്തി. കഴിഞ്ഞ പത്തുവർഷമായി ഈ രംഗത്തുണ്ട്. ഇതിനിടയിൽ നിരവധി ഹ്രസ്വചിത്രങ്ങളുമൊരുക്കിയിട്ടുണ്ട്. എല്ലാ പിന്തുണയുമായി ഭാര്യ അനു ടോമും ഒപ്പമുണ്ട്.

നന്തിലത്ത് ജി-മാർട്ട്, ശോഭാ സിറ്റി ഉള്‍പ്പെടെ നിരവധി ചിത്രങ്ങൾക്കായി പരസ്യചിത്രങ്ങളൊരുക്കിയിട്ടുമുണ്ട് ടോം ഇമ്മട്ടി. 1970 കളിലെ മഹാരാജാസ് കോളേജ് പശ്ചാത്തലത്തില്‍ ഒരുങ്ങുന്ന 'ഒരു മെക്‌സിക്കന്‍ അപാരത'യിൽ ടൊവീനോ തോമസ്, രൂപേഷ് പീതാംബരന്‍ എന്നിവരാണ് പ്രധാനവേഷത്തിൽ. അനൂപ് കണ്ണനാണ് ചിത്രത്തിന്റെ നിർമ്മാണം.

tom emmatty's debut film oru mexican aparatha to release in march3.