40 വര്‍ഷം മുന്‍പ് അപ്പനും അമ്മയും തുടങ്ങിയ പ്രസ്ഥാനം! കൂടുമ്പോള്‍ ഇമ്പമുള്ള കുടുംബം! ടൊവിനോയുടെ പോസ്റ്റ് വൈറല്‍

വൈവിധ്യമാര്‍ന്ന കഥാപാത്രങ്ങളുമായി മുന്നേറുകയാണ് ടൊവിനോ തോമസ്. വില്ലത്തരത്തിലൂടെ തുടങ്ങി നായകനായി മാറുകയായിരുന്നു ടൊവിനോ. സോഷ്യല്‍മീഡിയയിലും സജീവമായ ടൊവിനോ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. അപ്പനും അമ്മയ്ക്കും വെഡ്ഡിംഗ് ആനിവേഴ്‌സറി ആശംസ അറിയിച്ചും നടന്‍ എത്തിയിരുന്നു. കൂടുമ്പോള്‍ ഇമ്പമുള്ളത് കുടുംബം. 40 വര്‍ഷം മുന്‍പ് അപ്പനും അമ്മയും തുടങ്ങിയ പ്രസ്ഥാനം ഇന്ന് പടര്‍ന്ന് പന്തലിച്ചിരിക്കുന്നു. കുടുംബസമേതമുള്ള ചിത്രത്തിനൊപ്പമായാണ് ടൊവിനോ ആശംസ അറിയിച്ചത്. ആരാധകരും പോസ്റ്റിന് താഴെ കമന്റുകളുമായെത്തിയിരുന്നു.
ഒരു കാര്യം തീരുമാനിച്ചാല്‍ അത് നടത്തുന്നത് വരെ സൈ്വര്യം തരാത്തയാളാണ്. കുട്ടിക്കാലം മുതലേ തന്നെ വാശിക്കാരനാണെന്നായിരുന്നു മകനെക്കുറിച്ച് മുന്‍പൊരു അഭിമുഖത്തില്‍ അപ്പനും അമ്മയും പറഞ്ഞത്. ചേച്ചിയുടെ കല്യാണം നിശ്ചയിച്ച സമയത്തായിരുന്നു ടൊവിനോയുടെ പ്രണയം വീട്ടുകാര്‍ അറിയുന്നത്. അന്ന് ലിഡിയ എഴുതിയ കത്തുകളെല്ലാം സൂക്ഷിച്ചിരുന്നത് ചേച്ചിയായിരുന്നു. ചേച്ചിക്കും ചേട്ടനും കാര്യങ്ങള്‍ അറിയാമായിരുന്നു. അതേപോലെ തന്നെ ജോലി രാജി വെക്കുന്നതിനെക്കുറിച്ചും അവരോട് പറഞ്ഞിരുന്നു. എനിക്കിത് വിടാനാവില്ലെന്നായിരുന്നു അന്ന് ടൊവിനോ പറഞ്ഞത്. വിവാഹപ്രായമെത്തിയിട്ടും ഈ ബന്ധം നിലനില്‍ക്കുകയാണെങ്കില്‍ നോക്കാമെന്നായിരുന്നു മകനോട് അപ്പന്‍ പറഞ്ഞത്. നീ ആരെ കല്യാണം കഴിച്ചാലും വരുന്നത് പെണ്‍കുട്ടി എന്റെ മോളായിരിക്കും. പക്വതയോടെയാണോ നീ തീരുമാനമെടുത്തത് എന്നതില്‍ ആശയക്കുഴപ്പമുണ്ടായിരുന്നുവെന്ന് അപ്പന്‍ മകനോട് പറഞ്ഞിരുന്നു. വക്കീല്‍മുറയില്‍ സംസാരിക്കാറുണ്ടെങ്കിലും അപ്പന്‍ ആളൊരു പാവമാണ്, പെട്ടെന്ന് ഇമോഷണലാവുന്ന പ്രകൃതമാണെന്ന് ടൊവിനോ വ്യക്തമാക്കിയിരുന്നു. ജ്യേഷ്ഠന്റെ പിന്തുണയെക്കുറിച്ച് പറയുമ്പോള്‍ തന്നെ വികാരഭരിതനായി പോവുമെന്നും നടന്‍ പറഞ്ഞിരുന്നു. കുട്ടിക്കാലത്ത് അടി കൂടാറുണ്ടായിരുന്നുവെങ്കിലും മുതിര്‍ന്നപ്പോള്‍ ഞങ്ങള്‍ക്കിടയില്‍ പ്രത്യേകമായൊരു അടുപ്പം വന്നു.