മലയാളത്തിലെ ആദ്യ പുരസ്കാരം; സന്തോഷം പങ്കിട്ട് തൃഷ

മലയാളത്തിലെ ആദ്യ രണ്ട് പുരസ്കാരങ്ങൾ സ്വന്തമാക്കിയ സന്തോഷത്തിലാണ് തെന്നിന്ത്യൻ താരം തൃഷ. ശ്യാമ പ്രസാദ് സംവിധാനം ചെയ്ത 'ഹേ ജൂഡിലെ' മികച്ച പ്രകടനത്തിനാണ് തൃഷയ്ക്ക് പുരസ്കാരങ്ങൾ ലഭിച്ചത്. നോർത്ത് അമേരിക്കൻ ഫിലിം അവാർഡ്സ് എന്ന നാഫാ അവാർഡ്സിലാണ് തൃഷ പുരസ്കാരങ്ങൾ ഏറ്റുവാങ്ങിയത്.

ന്യൂയോർക്കിൽ നടന്ന ചടങ്ങിലാണ് പുരസ്കാരങ്ങൾ വിതരണം ചെയ്തത്. കൂട്ടത്തിൽ മഞ്ജു വാര്യർ, ദുൽഖർ സൽമാൻ, പാർവതി, കുഞ്ചാക്കോ ബോബൻ, ടൊവിനോ തോമസ്, ഫഹദ് ഫാസിൽ, അലൻസിയർ, സുരാജ് വെഞ്ഞാറമൂട്, ശാന്തി കൃഷ്ണ എന്നിവരും പുരസ്കാരങ്ങൾ പങ്കിട്ടു.

''താൻ ഏറ്റവും കൂടുതൽ ആരാധിക്കുന്നവരുടെ ഒപ്പം പുരസ്കാരം സ്വീകരിക്കാൻ കഴിഞ്ഞതിൽ അതീവ സന്തോഷമുണ്ടെന്ന്'' തൃഷ സാമൂഹ്യ മാധ്യമങ്ങളിൽ കുറിച്ചു. മഞ്ജു വാര്യർ, ദുൽഖർ സൽമാൻ, പാർവതി, വിജയ് യേശുദാസ് എന്നിവർക്കൊപ്പമുള്ള ചിത്രവും താരം പങ്കുവെച്ചു.