'ഇറങ്ങിപ്പോയതിന് കാരണമുണ്ട്'; ധനുഷ് പറയുന്നു...

ധനുഷിന്‍റെ സൂപ്പര്‍ഹിറ്റ് ചിത്രമായ 'വേലയില്ലാ പട്ടൈധാരി'യുടെ 2ാം ഭാഗത്തിന്‍റെ പ്രചരണവുമായി ബന്ധപ്പെട്ട ചാനൽ അഭിമുഖത്തില്‍ നിന്ന് താരം ഇറങ്ങിപ്പോയത് വൻ വാര്‍ത്തയായിരുന്നു. ഇതിനുള്ള കാരണം വ്യക്തമാക്കി നടൻ ധനുഷ് തന്നെ രംഗത്തെത്തിയിരിക്കുകയാണിപ്പോൾ. സുചി ലീക്ക്‌സുമായി ബന്ധപ്പെട്ട വാര്‍ത്തയെക്കുറിച്ചുള്ള ചോദ്യമാണ് അഭിമുഖത്തിൽ ധനുഷിനെ അസ്വസ്ഥനാക്കിയത്. ഗായിക സുചിത്ര കാര്‍ത്തികിന്‍റെ ട്വിറ്ററില്‍ നിന്ന് ധനുഷുൾപ്പെടെ ഒട്ടേറെ യുവതാരങ്ങളുടെ സ്വകാര്യചിത്രങ്ങളും വീഡിയോകളും പ്രചരിച്ചിരുന്നു. എന്നാൽ തന്‍റെ ട്വിറ്റര്‍ അക്കൗണ്ട് ആരോ ഹാക്ക് ചെയ്തതാണെന്ന് സുചിത്ര വിശദീകരണം നല്‍കിയെങ്കിലും ഇപ്പോഴും ദുരൂഹത നിലനിൽക്കുന്നുണ്ട്.

അഭിമുഖത്തില്‍ സുചി ലീക്ക്‌സിനെക്കുറിച്ച് ചോദിച്ചപ്പോള്‍ ധനുഷ് മറുപടി പറയാന്‍ കൂട്ടാക്കിയിരുന്നില്ല. ചോദ്യം ആവര്‍ത്തിച്ചപ്പോള്‍ ധനുഷ് അഭിമുഖത്തിൽ നിന്നിറങ്ങിപ്പോയി ബഹിഷ്കരിക്കുകയായിരുന്നു. എന്നാൽ അതൊന്നും ചോദിക്കേണ്ട ആവശ്യമില്ലായിരുന്നുവെന്നും തന്‍റെ വ്യക്തിപരമായ പ്രശ്‌നങ്ങളാണവയെന്നും ധനുഷ് സംഭവത്തെക്കുറിച്ച് പറയുന്നു.

തന്നെ സംബന്ധിച്ച് അതൊന്നുമല്ല പ്രധാന കാര്യങ്ങൾ. തന്നോട് തന്‍റെ കുഞ്ഞുങ്ങളെ കുറിച്ച് ചോദിക്കൂവെന്നും അവരെക്കുറിച്ച് പറയാമെന്നും ധനുഷ് പറയുന്നു. താന്‍ മര്യാദയ്ക്ക് ഉറങ്ങിയിട്ട് 15 വര്‍ഷമായി, പക്ഷെ തനിക്ക് തളര്‍ച്ചയൊന്നുമില്ല. കൂടാതെ പണ്ട് താനൊരു കുഴിമടിയനായിരുന്നു. ജീവിതത്തില്‍ എപ്പോഴും പോസിറ്റീവ് എനര്‍ജി ആഗ്രഹിക്കുന്നയാളുമാണ് താനെന്നും അമ്മയുടെ പ്രാര്‍ഥനയാണ് തന്നെ രക്ഷിക്കുന്നതെന്നും ഇതോടനുബന്ധിച്ച് ധനുഷ് പറഞ്ഞു.

I did react in a way I shouldn’t have: Dhanush

Actor Dhanush had recently hit the headlines after a video of his walking out of a Tetugu tv interview. he clears his stand on that issue