ഉണ്ണി മുകുന്ദൻ മൃദംഗശൈലേശ്വരി ക്ഷേത്രത്തിൽ; ദർശന ശേഷം നടന് പറയാനുള്ളത്!

ക്ഷേത്രത്തിലെത്തിയ ചിത്രങ്ങൾ പങ്കുവെച്ചുകൊണ്ടാണ് ഉണ്ണി ഇക്കാര്യം ആരാധകരെ അറിയിച്ചിട്ടുള്ളത്. ഉണ്ണി മുകുന്ദൻ്റെ ഫേസ്ബുക്ക് കുറിപ്പിൻ്റെ പൂർണ്ണരൂപം ഇങ്ങനെയാണ്. ഒടുവിൽ കണ്ണൂർ ശ്രീ മൃദംഗ ശൈലേശ്വരി ക്ഷേത്രം സന്ദർശിക്കാനുള്ള ഭാഗ്യമുണ്ടായി. സുന്ദരമായ ക്ഷേത്രമാണെന്ന് ഉണ്ണി പറഞ്ഞു.

ക്ഷേത്രം അധികൃതർക്കും ചുറ്റുവട്ടത്തുള്ള നല്ല മനുഷ്യർക്കും ഒരുപാട് നന്ദി. ക്ഷേത്രവും പരിസരവും ഇത്രയും നന്നായി കാത്തു പരിപാലിക്കുന്നതിന് എല്ലാവർക്കും നന്ദിയെന്നും അവിടെ ചെന്നപ്പോൾ ഒരുപാട് നല്ല മുഹൂർത്തങ്ങളുണ്ടായെന്നും ഉണ്ണി മുകുന്ദൻ സോഷ്യൽ മീഡിയയിൽ കുറിച്ചു.

ഇവിടെ നിന്നു ലഭിച്ച നിറയെ പോസിറ്റിവിറ്റിയുമായി തിരികെ പോവുകയാണെന്നും ഇനിയും ഇവിടെ എത്തണമെന്നതായി ആഗ്രഹിക്കുന്നുണ്ടെന്നും ഉണ്ണി മുകുന്ദൻ സോഷ്യൽ മീഡിയയിൽ കുറിച്ചു. കോട്ടയത്ത് തമ്പുരാൻ ഈ ക്ഷേത്രത്തിൽ വെച്ചായിരുന്നു കഥകളി ചിട്ടപ്പെടുത്തിയത്.

മലബാർ ദേവസ്വം ബോർഡിന്റെ കീഴിലാണ് ക്ഷേത്രം. സംഗീതരൂപിണീ മൃദംഗശൈലേശ്വരിയുടെ ഭാവമാണ് ക്ഷേത്രത്തിലെ പ്രതിഷ്ഠ. കണ്ണൂർ ജില്ലയിലെ മുഴക്കുന്ന് ഗ്രാമപഞ്ചായത്തിലാണ് ക്ഷേത്രം. മുൻ ഐ.പി.എസ്. ഉദ്യോഗസ്ഥനായിരുന്ന അലക്സാണ്ടർ ജേക്കബ് വെളിപ്പെടുത്തിയ മൂന്ന് സംഭവകഥകൾനക്ഷേത്രത്തിലേയ്ക്കുള്ള ഭക്തജനങ്ങളുടെ ഒഴുക്ക് വർദ്ധിപ്പിച്ചതായി റിപ്പോർട്ടുകളുണ്ടായിരുന്നു.