മകളുടെ വിവാഹത്തിനെത്തിയവര്‍ക്ക് വി.കെ.പി നല്‍കിയ സമ്മാനം

സിനിമയിൽ പലപ്പോഴായി വേറിട്ട വഴികൾ പരീക്ഷിച്ചിരുന്ന വി.കെ.പ്രകാശ് മകൾ കാവ്യയുടെ വിവാഹത്തിലും അത് പ്രാവർത്തികമാക്കിയിരിക്കുകയാണ്. വിവാഹചടങ്ങിന് എത്തിയവർ ഒരുപക്ഷെ വി.കെ.പിയിൽ നിന്നുള്ള ഈ സമ്മാനം ഒരിക്കലും മറക്കുകയുമില്ല. സാധാരണയൊരു വൃക്ഷത്തൈയല്ല ഔഷധ ഗുണങ്ങൾ ഏറെയുള്ള ആര്യവേപ്പിന്‍റെയും ലക്ഷമി തരുവിന്‍റെയും തൈകളാണ് വി.കെ.പി സമ്മാനമായി നൽകിയത്.

വിവാഹ സൽക്കാരത്തിന് സംബന്ധിച്ച എല്ലാവർക്കും വൃക്ഷത്തൈ സമ്മാനമായി ലഭിച്ചു. അപ്രതീക്ഷിതമായി ലഭിച്ച സമ്മാനം കണ്ട് വിവാഹത്തിനെത്തിയവരെല്ലാം ഒന്ന് സന്തോഷിക്കുകയും ചെയ്തു. ഇനി ഇത് ആരൊക്കെ നട്ടു വളർത്തും എന്നുള്ളതാണ് കണ്ടറിയേണ്ടത്. ഈ മാസം അഞ്ചിന് ബെംഗളൂരുവിൽ വെച്ചായിരുന്നു വിവാഹം.

വിവാഹത്തിൽ കുടുംബാംഗങ്ങളും അടുത്ത സുഹൃത്തുക്കളും മാത്രമായിരുന്നു പങ്കെടുത്തിരുന്നത്. സിനിമപ്രവർത്തക്ക് വേണ്ടിയായിരുന്നു കൊച്ചിയിലെ വിവാഹ സൽക്കാര ചടങ്ങ്. സൽക്കാര ചടങ്ങിൽ പൃഥ്വിരാജ്, ജയറാം, അനൂപ് മേനോന്‍, ആസിഫ് അലി, ഫഹദ് ഫാസില്‍, ഇന്ദ്രജിത്ത്, നസ്രിയ, രജിഷ വിജയന്‍, ഹണി റോസ്, സന്ധ്യരാജു, ലാലു അലക്സ്, രമ്യ നമ്പീശന്‍, പൂര്‍ണിമ, അനുമോള്‍, സരയു, ലാല്‍, മുകേഷ്, ജോയ് മാത്യു തുടങ്ങിയ താരങ്ങൾ പങ്കെടുത്തു.

V K Prakash gifts a sapling to the guests at his daughter's wedding

Filmmaker V K Prakash's daughter Kavya got married recently in Bangalore and a function was also held in Kochi on July 9.