ഇവൻ ജനിച്ചതും വളർന്നതും എല്ലാം സൗദിയിലാ: കുഞ്ഞുന്നാളിലേ നമ്മൾക്ക് അറിയാം; വിവാഹത്തിന് ശേഷം വൈഷ്‌ണവി

നിരവധി ചിത്രങ്ങളിലൂടെ പ്രേക്ഷകർക്ക് പ്രിയങ്കരിയാണ് വൈഷ്ണവി വേണു ഗോപാല്‍. സോഷ്യല്‍ സജീവമായ നടി ജൂണ്‍, കേശു ഈ വീടിന്റെ നാഥന്‍ തുടങ്ങിയ ചിത്രങ്ങളിലൂടെയാണ് ഏറെ ശ്രദ്ധേയ ആകുന്നത്. ഉറ്റ സുഹൃത്ത് തനിക്ക് വിവാഹ അഭ്യര്‍ത്ഥന നടത്തിയതിനെ കുറിച്ച് അടുത്തിടെ പങ്കിട്ട വീഡിയോ ഏറെ വൈറലായിരുന്നു. ഇപ്പോഴിതാ തന്റെ വിവാഹം നടന്നതിനെ കുറിച്ച് പറഞ്ഞെത്തിയിരിക്കുകയാണ് നടി.


സന്തോഷം അങ്ങനെ കല്യാണം കഴിഞ്ഞു. ചിരിച്ചു ചിരിച്ചു വായൊക്കെ ഒരുപരുവം ആയി ആ പറഞ്ഞോ എന്ന സംസാരത്തിലൂടെയാണ് മാധ്യമ പ്രവർത്തകരോട് വൈഷ്‌ണവി സംസാരിക്കുന്നത്. ഒരുപാട് സന്തോഷം ഉണ്ട്. ഞങ്ങൾക്ക് വേണ്ടപെട്ട എല്ലാവർക്കും എത്തിച്ചേരാൻ പറ്റി ഇന്ന്. ലാസ്റ്റ് മിനിറ്റിൽ ആണ് നമ്മൾ ഇത് പ്ലാൻ ചെയ്യുന്നത് അപ്പോൾ നമ്മൾക്ക് മീഡിയയെ ഒന്നും അറിയിക്കാൻ കഴിഞ്ഞില്ല. ഇന്നലെയൊക്കെ വിളിച്ചാണ് കൂടുതൽ ആളുകൾ അരിഞ്ഞത്. നിങ്ങൾ വന്നതിൽ സന്തോഷം. നമ്മൾ വിളിച്ച എല്ലാവരും വന്നു. നമ്മൾ പ്രതീക്ഷിച്ചതിനെക്കാളും കൂടുതൽ ആളുകൾ വന്നു.- മാധ്യമപ്രവർത്തകരോട് വൈഷ്ണവി പറയുന്നു.

കുഞ്ഞിലേ തൊട്ടേ നമ്മൾക്ക് അറിയാം. ഫാമിലി ഫ്രണ്ട്സ് പോലെ. കോവിഡ് കാലത്താണ് പ്രണയം തുടങ്ങി എന്ന് പറയാം. നമ്മൾ പുറത്തൊന്നും പോകാതെ വീട്ടിൽ ബോറടിച്ചിരിക്കുമ്പോൾ ആണ് പരസ്പരം വാചകം അടിച്ചു തുടങ്ങിയത്. നല്ലപോലെ രണ്ടുപേരും സംസാരിക്കും. അന്ന് മുതൽ തുടങ്ങിയ കോൾ ഇത് വരെ വച്ചിട്ടില്ല. ഒന്നുകിൽ അടുത്തുണ്ടാകും അല്ലെങ്കിൽ കോളിൽ ഉണ്ടാകും അതാണ് അവസ്ഥ.

ഇനിയും നല്ല ഓഫറുകൾ വന്നാൽ സിനിമയിൽ വരും ബാംഗ്ലൂരിലും കൊച്ചിയിലുമായി നമ്മൾ ഉണ്ടാകും. രാഘവ് പഠിച്ചതും വളർന്നതും ഒക്കെ സൗദിയിൽ ആണ്. ഇപ്പോൾ കഴിഞ്ഞ കുറച്ചു വര്ഷങ്ങളായി ബഹറിനിൽ വർക്ക് ചെയ്യുകയായിരുന്നു. ഇപ്പോൾ ബാംഗ്ലൂരിൽ ആണ്.ഞാനും അങ്ങോട്ടേക്ക് ഷിഫ്റ്റ് ആകുന്നു. രാഘവന്റെ വീട് തിരുവനന്തപുരത്താണ്. - വൈഷ്ണവി വിവാഹ ശേഷം പ്രതികരിച്ചു.


കഴിഞ്ഞവർഷം നവംബറിൽ ആയിരുന്നു ആ വൈറൽ പ്രൊപ്പോസൽ നടന്നത്. ഫോട്ടോഷൂട്ടിന് ഇടയില്‍ കടലിലേക്ക് തിരിഞ്ഞ് നോക്കി നില്‍ക്കുകയായിരുന്നു വൈഷ്ണവി. പെട്ടന്ന് രാഘവ് ബാഗില്‍ നിന്നും ഒരു മോതിരവുമായി പിറകിലൂടെ വന്ന് മുട്ടു കുത്തി വിവാഹാഭ്യര്‍ത്ഥന നടത്തുക ആയിരുന്നു.