ഞാനിതൊന്നും പ്രതീക്ഷിച്ചില്ല! കല്യാണത്തിന് മുന്‍പ് കിട്ടിയ വാലന്റൈന്‍ സമ്മാനത്തെക്കുറിച്ച് ഉത്തര ശരത്ത്

അഭിനയവും നൃത്തവുമൊക്കെയായി സജീവമാണ് ആശ ശരത്ത്. അടുത്തിടെയായിരുന്നു ആശ ശരത്തിന്റെ മകളുടെ വിവാഹനിശ്ചയം നടന്നത്. മാര്‍ച്ചിലാണ് കല്യാണം. കഴിഞ്ഞ ദിവസമായിരുന്നു ഉത്തരയുടെ സേവ് ദ ഡേറ്റ് വീഡിയോ പങ്കുവെച്ചത്. പങ്കു എന്നാണ് ഉത്തരയെ ആശയും ശരത്തും വിളിക്കുന്നത്. പങ്കൂന്റെ ആദ്യത്തെ വാലന്റൈന്‍സ് സമ്മാനമാണ് ഇതെന്നായിരുന്നു ആശ ശരത്ത് പറഞ്ഞത്.ആശയുടെ അമ്മയും വീഡിയോയിലുണ്ടായിരുന്നു. അച്ഛനായിരുന്നു കൊറിയര്‍ ഉത്തരയ്ക്ക് കൈമാറിയത്. ആരാണ് അയച്ചതെന്നായിരുന്നു പങ്കൂനോട് എല്ലാവരും ചോദിച്ചത്. ആദി തന്നെയാണെന്നായിരുന്നു പങ്കു പറഞ്ഞത്.കേക്കും മറ്റ് സമ്മാനങ്ങളുമായിരുന്നു കൊറിയറിലുണ്ടായിരുന്നത്. സത്യം പറഞ്ഞാല്‍ ഞാന്‍ ശരിക്കും ഷോക്കായെന്നായിരുന്നു പങ്കു പറഞ്ഞത്. വാലന്റൈന്‍സ് ഡേ പാട്ട് പാടാന്‍ അറിയില്ല. ബര്‍ത്ത് ഡേ പാട്ട് മാത്രമേ അറിയുള്ളൂ എന്നും എല്ലാവരും പറഞ്ഞിരുന്നു.
അമ്മാ ഞാന്‍ പങ്കൂന് ഗിഫ്റ്റ് അയച്ചിട്ടുണ്ടായിരുന്നു എന്ന് ആദി എന്നെ വിളിച്ച് പറഞ്ഞിട്ടുണ്ടായിരുന്നു. അതുകൊണ്ടാണ് ഞാന്‍ ഇവിടെ വന്ന് മൊബൈലൊക്കെ എടുത്ത് വീഡിയോ എടുത്തത്. ജീവിതത്തിലെ ഏറ്റവും മനോഹരമായ നിമിഷങ്ങളാണ്, നിങ്ങള്‍ ശരിക്കും ആസ്വദിക്കൂ എന്നായിരുന്നു ആശ ശരത്ത് പറഞ്ഞത്.
ഞങ്ങളുടെ കാലത്ത് ഇതൊന്നും കേട്ടുകേള്‍വി പോലുമുണ്ടായിരുന്നില്ല. വെഡ്ഡിംഗ് ആനിവേഴ്‌സറിയൊക്കെ ആഘോഷിക്കാറുണ്ടായിരുന്നു. കല്യാണം കഴിച്ച അമ്പലത്തില്‍ പോവും. അന്ന് പുറത്തൊക്കെ പോയി ഭക്ഷണം കഴിക്കും. സിനിമയ്ക്ക് പോവും. അങ്ങനെ ചെയ്യും. ഇതൊക്കെ കാണുന്നത് വലിയൊരു ഭാഗ്യമാണ്. അമ്മമ്മയ്ക്ക് സന്തോഷമാണെന്നായിരുന്നു ആശ ശരത്തിന്റെ അമ്മ പറഞ്ഞത്. അമ്മയ്ക്ക് അന്ന് ഞാന്‍ വാലന്റൈന്‍സ് ഡേയില്‍ കേക്ക് മേടിച്ച് കൊടുത്തിരുന്നു. കുറച്ച് പാട്ടുകളൊക്കെ പാടിക്കൊടുത്തിരുന്നുവെന്നുമായിരുന്നു ശരത്ത് ഉത്തരയോട് പറഞ്ഞത്.