ശരീരഭാരം കുറയ്ക്കണമെന്ന് റിപ്പോര്‍ട്ടര്‍; കുറിക്കുകൊള്ളുന്ന മറുപടിയുമായി വിദ്യ

ശരീരഭാരം കുറയ്ക്കണമെന്ന് ഉപദേശിച്ച റിപ്പോര്‍ട്ടര്‍ക്ക് കുറിക്കു കൊള്ളുന്ന മറുപടി നൽകി ബോളിവുഡ് താരം വിദ്യാ ബാലൻ. നടിയുടെ ഏറ്റവും പുതിയ ചിത്രമായ തുമാരി സുലു വിന്‍റെ പ്രചരണ ഭാഗമായി നടന്ന ഒരു പരിപാടിയിലായിരുന്നു സംഭവം. ഗ്ലാമറസായ കഥാപാത്രങ്ങളെ അവതരിപ്പിക്കാന്‍ വിദ്യ ഭാരം കുറയ്ക്കണമെന്ന ഉപദേശത്തിന് പിന്നാലെ ഇപ്പോൾ എത്രയാണ് ശരീരഭാരമെന്നും റിപ്പോര്‍ട്ടര്‍ വിദ്യയോട് ചോദിച്ചു.എന്നാൽ ചോദ്യത്തോട് ഉണ്ടായ അനിഷ്ടം താരം പുറത്ത് പ്രകടമാക്കിയില്ല. തുടര്‍ന്ന് തികഞ്ഞ സംയമനത്തോടെയാണ് ഈ ചോദ്യത്തെ വിദ്യ നേരിട്ടത്.



നിങ്ങൾ സ്ത്രീകളോട് വെച്ചു പുലര്‍ത്തുന്ന ഈ സമീപനമാണ് ഉപേക്ഷിക്കേണ്ടത്. താൻ അവതരിപ്പിച്ചുകൊണ്ടിരിക്കുന്ന കഥാപാത്രങ്ങളിൽ താൻ പൂര്‍ണ്ണ സംതൃപ്തയാണ്. സ്ത്രീ കേന്ദ്രീകൃത കഥാപാത്രങ്ങളും ശരീരഭാരവും തമ്മില്‍ എന്താണ് ബന്ധമെന്നും വിദ്യ ചോദിച്ചു.