എന്റെ ആദ്യ സിനിമ
എന്റെ ആദ്യത്തെ സിനിമ ശ്രീ മോഹന്ലാല് സാറിനൊപ്പം ആയിരുന്നു, നിര്ഭാഗ്യവശാല് ആ സിനിമ പൂര്ത്തിയാക്കാന് കഴിഞ്ഞല്ല. രണ്ട് ആഴ്ചയോളം ഷൂട്ടിങ് നടത്തിയ ശേഷം സിനിമ ഉപേക്ഷിക്കുകയായിരുന്നു. മോഹന്ലാലും സംവിധായകനും തമ്മിലുള്ള അഭിപ്രായവ്യത്യാസവും വിയോജിപ്പും കാരണം പല തവണ സിനിമയുടെ ചിത്രീകരണം മുടങ്ങി പോയിട്ടുണ്ട്. അവസാനം സിനിമ തന്നെ ഉപേക്ഷിക്കുകയായിരുന്നു.
എപ്പോഴും പ്രസന്റ് ആയിരിക്കുക
സെറ്റില് ഞാന് മോഹന്ലാല് സാറില് നിന്നും പഠിച്ച ഏറ്റവും വലിയകാര്യം എപ്പോഴും പ്രസന്റ് ആയിരിയ്ക്കുക എന്നതാണ്. അടുത്ത ഷോട്ടിന് വേണ്ടി എത്ര നേരം കാത്തിരിക്കേണ്ടി വന്നാലും ലാല് സര് പുസ്തകം വായിക്കുകയോ കാരവാനില് പോയിരിയ്ക്കുകയോ ഒന്നും ചെയ്യില്ല. എപ്പോഴും ചിത്രീകരണത്തിന്റെ ഓരോ കാര്യങ്ങളും സൂക്ഷമമായി നിരീക്ഷിച്ചു കൊണ്ടിരിയ്ക്കും
ഏറ്റവും പ്രിയപ്പെട്ട നടന്
ആറ് - ഏഴ് ദിവസം മാത്രമാണ് എനിയ്ക്ക് മോഹന്ലാല് സാറിനൊപ്പം വര്ക്ക് ചെയ്യാന് സാധിച്ചത്. അദ്ദേഹത്തിനൊപ്പമുള്ള സിനിമ പാതി വഴിയില് വച്ച് മുടങ്ങിപ്പോയി എങ്കിലും എനിക്ക് ഏറ്റവും ഇഷ്ടപ്പെട്ട നടന് മോഹന്ലാല് സര് തന്നെയാണ്, പല അവസരത്തിലും ഞാനത് പറഞ്ഞിട്ടുള്ളതാണ്. കൂടെ അഭിനയിച്ച ആ ചുരുങ്ങിയ ദിവസത്തിനുള്ളില് ലാല് സാറില് നിന്ന് പലതും പഠിയ്ക്കാന് സാധിച്ചിട്ടുണ്ട് എന്നും വിദ്യ ബാലന് പറയുന്നു.
ലാല് പറഞ്ഞത്
ഇതേ കുറിച്ച് ഞാന് ചോദിച്ചപ്പോള് അദ്ദേഹം പറഞ്ഞ കാര്യം ഇപ്പോഴും ഓര്ക്കുന്നു, 'എനിക്ക് സ്ക്രിപ്റ്റ് വായിക്കണം എന്നും ഇല്ല, മറിച്ച് എപ്പോഴും പ്രസന്റ് ആയിരിയ്ക്കണം. സംവിധായകന് ആക്ഷന് പറയുമ്പോള് ആ മജിക്ക് സംഭവിയ്ക്കുന്നതിന് വേണ്ടി എനിക്ക് നിന്ന് കൊടുക്കണം എന്നാണ് എന്റെ ആഗ്രഹം' എന്ന്
ഏറ്റവും വലിയ പാഠം
മാത്രമല്ല കൂടെ അഭിനയിക്കുന്നവരെയും മോഹന്ലാല് വളരെ അധികം സപ്പോര്ട്ട് ചെയ്യും അത്രെ. ചുരുക്കത്തില് സിനിമ സംഭവിയ്ക്കുന്ന ആ പ്രക്രിയ നിങ്ങളെക്കാള് ഒരുപാട് വലുതാണ് എന്നതാണ് മോഹന്ലാല് സാറിന്റെ കാഴ്ചപാട്. ആ പാഠമാണ് അദ്ദേഹത്തില് നിന്നും പഠിച്ച ഏറ്റവും വലിയ പാഠം- വിദ്യ ബാലന് പറഞ്ഞു