14 വർഷം പൂർത്തിയാക്കി നയൻസ്; ആശംസയുമായി വിഘ്നേശ്

മലയാളവും തമിഴകവും കീഴടക്കിയ 'ലേഡി സൂപ്പർസ്റ്റാർ' നയൻതാര താര സിംഹാസനത്തിലേറിയിട്ട് 14 വർഷം തികഞ്ഞിരിക്കുന്നു. ഈ അവസരത്തിൽ ആശംസയർപ്പിച്ച് എത്തിയിരിക്കുകയാണ് സംവിധയകൻ വിഘ്നേശ് ശിവൻ.

''നയനിസത്തിന്‍റെ പതിനാല് വർഷങ്ങൾ...കൂടുതല്‍ കരുത്തും വിജയങ്ങളും എന്നുമുണ്ടാകട്ടെ എന്നാശംസിക്കുന്നു. നയന്‍താര..അത് തുടര്‍ന്നുകൊണ്ടേയിരിക്കുക...ദൈവത്തിന്‍റെ അനുഗ്രഹം കൊണ്ട് മനോഹരമായ ഒരു ദിനം. വളരെ സുന്ദരമായ ഒരു ക്രിസ്മസ് ദിനമായിരുന്നു ഇത്. ഒരുപാട് ശുഭപ്രതീക്ഷകള്‍. ഒരുപാട് സ്‌നേഹം..''എന്നാണ് വിഘ്നേശ് ട്വിറ്ററിൽ കുറിച്ചത്.



വിഘ്‌നേശ് സംവിധാനം ചെയ്ത ‘നാനും റൗഡി താന്‍’എന്ന ചിത്രത്തിലൂടെയാണ് ഇരുവരും ഒരുമിക്കുന്നത്. തുടർന്ന് പല അവസരങ്ങളിലും ഇരുവരെയും ഒരുമിച്ച് കണ്ടപ്പോൾ ഗോസിപ്പുകളും പുറത്തുവന്നു തുടങ്ങി. വിഘ്നേശിന്‍റെ ജന്മദിനമാഘോഷിക്കാൻ ഇരുവരും വിദേശത്ത് പോയതും വാർത്തകൾ സൃഷ്ടിച്ചിരുന്നു.


#14YearsOfNayanism 😍😍😍 Wishing more power & victories to u #Nayanthara Keep it going 😇😍 A lovely day with a lot of God's grace:) 'Twas a beautiful Christmas Day! Loads of positivity ! Loads of Love for #PeelaPeela 😍😇 Next singles, song teasers&a lot more cumin #TSK pic.twitter.com/z19NusqQz8 — Vignesh ShivN (@VigneshShivN) December 25, 2017
2003 ൽ പുറത്തിറങ്ങിയ സത്യൻ അന്തിക്കാടിന്‍റെ 'മനസിനക്കരെ' എന്ന ചിത്രത്തിലായിരുന്നു നയൻതാര ആദ്യമായി അഭിനയിച്ചത്. മലയാളത്തിൽ നാടൻ വേഷങ്ങൾ മാത്രം ചെയ്ത് തമിഴിലേക്ക് ചേക്കേറിയതോടെ ഗ്ലാമളർ വേഷങ്ങളിലായി നയൻസിന്‍റെ ശ്രദ്ധ. തമിഴകമാകട്ടെ നയൻസിനെ ഇരുകൈയും നീട്ടി സ്വീകരിച്ചു. മലയാളത്തിൽ നിന്നും തമിഴിലേക്ക് ചേക്കേറിയ നയൻ താരയാണ് ഇന്ന് തെന്നിന്ത്യയിൽ ഏറ്റവും കൂടുതൽ പ്രതിഫലം പറ്റുന്ന താരം. കൂടാതെ ലേഡി സൂപ്പർ സ്റ്റാർ എന്ന പദവിയും സ്വന്തമാക്കി.