ബി ദി റയൽ മാൻ ചലഞ്ച് കൊണ്ടുദ്ദേശിക്കുന്നത് വീട്ടു ജോലികളിൽ സ്ത്രീകളെ സഹായിക്കുക എന്നതാണ്. ഇതിൻ്റെ ഒരു വീഡിയോ സോഷ്യൽ മീഡിയയിൽ പങ്കുവെക്കുകയും ചെയ്തിരുന്നു താരം. ഒപ്പം സൂപ്പർ സ്റ്റാർ രജനികാന്തിനെ ചലഞ്ച് ചെയ്യുകയും ചെയ്തതിന് പിന്നാലെ ഈ ചലഞ്ച് ഏറ്റെടുത്ത് രംഗത്തെത്തിയിരിക്കുകയാണ് തെലുങ്ക് സൂപ്പര് യുവതാരം വിജയ് ദേവരക്കൊണ്ട. ലോക്ക് ഡൗണ് ദിനങ്ങളിലെ തൻ്റെ ആക്ടിവിറ്റികളിൽ ചിലത് ഇതൊക്കെയാണ് എന്ന് കുറിച്ചുകൊണ്ടാണ് വീഡിയോ താരം പങ്കുവെച്ചിരിക്കുന്നത്.
ബീ ദ റിയൽ മാൻ
കിടക്ക വിരിച്ചിടുന്നതും വീട്ടിലെ ഫ്രിഡ്ജിൽ വെള്ളം നിറച്ചുവെക്കുന്നതുമടക്കമുള്ള ജോലികൾ ചെയ്യുന്ന താരത്തെയാണ് ചലഞ്ച് ഏറ്റെടുത്തുകൊണ്ട് പങ്കുവെച്ചിരിക്കുന്ന വീഡിയോയിൽ കാണാനാകുന്നത്.
വെള്ളം കുടിക്കണം
രാവിലെ തന്നെ ഒരു ലിറ്ററോളം വെള്ളം കുടിക്കണമെന്നും ഉപയോഗിച്ച് കഴിഞ്ഞ മദ്യക്കുപ്പികൾ ഫ്രിഡ്ജിൽ വെള്ളം തണുപ്പിക്കാനായി ഉപയോഗിക്കാമെന്നും അടക്കമുള്ള ടിപ്പുകളും താരം പങ്കുവെക്കുന്നു.
വീഡിയോയിൽ കുടുംബാംഗങ്ങളെല്ലാം
വീട്ടിലെ എല്ലാവരെയും ഉൾപ്പെടുത്തിക്കൊണ്ടുള്ള വീഡിയോ പകത്തിയത് സഹോദരൻ ആനന്ദ് ദേവരക്കൊണ്ടയാണെന്നും വീട്ടിൽ മാങ്ങാ ഐസ്ക്രീം ഉണ്ടാക്കി എല്ലാവര്ക്കും കൊടുക്കുന്നതുമൊക്കെ വീഡിയോയിൽ കാണാം.
ദുൽഖറിനെ വെല്ലുവിളിച്ച് താരം
ഇത്തരത്തിൽ നിരവധി താരങ്ങളാണ് ഈ ചലഞ്ച് ഏറ്റെടുത്ത് രംഗത്തെത്തിയത്. അർജുൻ റെഡ്ഡി സംവിധായകൻ സന്ദീപ് റെഡ്ഡി തുടങ്ങിവെച്ച ഈ ചല്ലഞ്ച് ചെയ്യാൻ വിജയ് ദേവരക്കൊണ്ടയെ നിർദേശിച്ചത് ശിവ കൊരട്ടലയാണ്.
ദുൽഖര് ഈ ചലഞ്ച് ഏറ്റെടുക്കുമോ?
മലയാളത്തിൻ്റെ പ്രിയ താരം ദുൽഖ സൽമാനെയാണ് ഈ വീഡിയോ പങ്കുവെച്ചുകൊണ്ട് വിജയ് ദേവരക്കൊണ്ട ചലഞ്ച് ചെയ്തിരിക്കുന്നത്. ദുൽഖര് ഈ ചലഞ്ച് ഏറ്റെടുക്കുമോ എന്നറിയാനുള്ള ആകാംക്ഷയിലാണ് ആരാധകരിപ്പോൾ.