'ഒരാളുടെ സ്വഭാവത്തെ സ്വാധീനിക്കുന്നത് സിനിമ മാത്രമല്ല നിരവധി ഘടകങ്ങളുണ്ട്'; പാർവതിയ്ക്ക് വിജയ് ദേവരക്കൊണ്ടയുടെ മറുപടി

വിജയ് ദേവരക്കൊണ്ടയെ നായകനായി ഏറെ ശ്രദ്ധ നേടിയ തെലുങ്ക് ചിത്രമായിരുന്നു 'അർജ്ജുൻ റെഡ്ഡി'. ചിത്രത്തെ നടി പാര്‍വതി പരസ്യമായി വിമര്‍ശിച്ചത് ഏറെ മാധ്യമ ശ്രദ്ധ ആകര്‍ഷിച്ചിരുന്നു. ഫിലിം കമ്പാനിയൻ നടത്തിയ 100 ഗ്രേറ്റസ്റ്റ് ഫെര്‍ഫോമൻസ് ഓഫ് ദി ഡീക്കേഡ് എന്ന ടോക് ഷോയിൽ വെച്ചായിരുന്നു പാര്‍വതിയുടെ പരാമര്‍ശം. അര്‍ജുന്‍ റെഡ്ഡി സമൂഹത്തിന് നൽകുന്നത് തെറ്റായ സന്ദേശമാണ് എന്ന് പാര്‍വതി തുറന്നടിച്ചിരുന്നു. ഇതിന് മറുപടിയുമായി രംഗത്തെത്തിയിരിക്കുകയാണ് വിജയ് ദേവരക്കൊണ്ട.

Also Read: 'ഒരു അഭിനേതാവിന് ആ സിനിമയുടെ ഭാഗമാകാതിരിക്കാൻ കഴിയും'; 'അർജ്ജുൻ റെഡ്ഡി'യെ വിമർശിച്ച് പാർവതി

ടോക്ക് ഷോയിൽ വിജയ്ക്കും പാര്‍വതിയ്ക്കുമൊപ്പം ദീപികാ പദുകോണ്‍, അലിയാ ഭട്ട്, രണ്‍വീര്‍ സിങ്, ആയുഷ്മാന്‍ ഖുറാന, മനോജ് വാജ്‌പേയ്, വിജയ് സേതുപതി തുടങ്ങിയവരും ഉണ്ടായിരുന്നു. മലയാള സിനിമയെ പ്രതിനിധീകരിച്ച് ചര്‍ച്ചയിൽ പങ്കെടുക്ക ഏക താരം പാര്‍വതി മാത്രമായിരുന്നു. സിനിമാ സംബന്ധിയായ സംവാദ പരിപാടിയിൽ പാര്‍വതി സമകാലിക ഇന്ത്യന്‍ സിനിമയെ കുറിച്ച് സംസാരിവേയാണ് ‘അര്‍ജുന്‍ റെഡ്ഡി’ നായക കഥാപാത്രത്തെ ന്യായീകരിക്കുകയാണെന്നും അതേസമയം ‘ജോക്കര്‍’ എന്ന ഹോളിവുഡ് ചിത്രം അത് ചെയ്യുന്നില്ലെന്നും ചൂണ്ടിക്കാട്ടുന്നത്. ‘ജോക്കര്‍’ എന്ന സിനിമ വസ്തുതകളെ പ്രേക്ഷകര്‍ക്ക് കാണിച്ചുതരിക മാത്രമാണ് ചെയ്യുന്നതെന്നും അല്ലാതെ എല്ലാവരേയും കൊല്ലണമെന്ന് പറയുകയോ കൊലപാതകത്തെ മഹത്വവത്കരിക്കുകയോ ചെയ്യുന്നില്ലെന്നും പാര്‍വതി പറഞ്ഞിരുന്നു.

Also Read: ഇനിയെങ്ങാനും വീടിന് തീ പിടിക്കുമ്പോൾ ഇറങ്ങിയോടിയാലും ഞാനിതെടുക്കും!; അഹാന കൃഷ്ണ

സിനിമ മാത്രമല്ല ഒരാളുടെ സ്വഭാവത്തെ സ്വാധീനിക്കുന്നതെന്നും നിരവധി ഘടകങ്ങളുണ്ടെന്നും പാർവതിയ്ക്ക് മറുപടിയായി വിജയ് ചൂണ്ടിക്കാട്ടി. ഭൂമി നാശത്തിൻ്റെ വക്കിലാണെന്നും എവിടെ നോക്കിയാലും മലിനീകരണവും പ്രശ്നങ്ങളുമാണെന്നും ഒന്നും ശുഭകരമല്ലെന്നും വിജയ് പറയുന്നു. നല്ലൊരു സിനിമ ചെയ്തു ലോകത്തെ രക്ഷിക്കാനാകുമോ? എന്നതാണ് ഒരു കാര്യം. അതുപോലെ, ഒരാളുടെ സ്വഭാവത്തെ സ്വാധീനിക്കുന്നത് സിനിമ മാത്രമല്ലെന്നും കുടുംബം, മാതാപിതാക്കൾ, സ്കൂൾ അങ്ങനെ നിരവധി ഘടകങ്ങൾ ഒരാളുടെ സ്വഭാവത്തെ സ്വാധീനിക്കുന്നുണ്ടെന്നും ഒരു നടൻ എന്ന നിലയിൽ ഒരു കഥാപാത്രം ലഭിക്കുമ്പോൾ അത് ഇഷ്ടപ്പെട്ടാൽ അതു ചെയ്യും. അതിൽ ഒരു ന്യായം കണ്ടെത്തും.’ ‘ആ കഥാപാത്രത്തെ ഇഷ്ടപ്പെട്ടു, അതു ചെയ്യും. ഇഷ്ടപ്പെട്ടില്ലെങ്കിൽ ചെയ്യില്ല. അതു ഒഴിവാക്കാൻ ഒരു പക്ഷേ, സാമൂഹിക പ്രതിബദ്ധത എന്ന ന്യായം ഉപയോഗിച്ചേക്കാം. ഇതേ കാരണം ചൂണ്ടിക്കാട്ടി ഞാൻ ചെയ്യുന്ന കഥാപാത്രങ്ങളിൽ ചില തിരുത്തലുകൾ വരുത്താനും ശ്രമിച്ചേക്കാം. എല്ലാവർക്കും വേണ്ടി സിനിമ ഉണ്ടാക്കാൻ കഴിയില്ല. ഒരു സംവിധായകൻ അയാൾക്ക് പൂർണബോധ്യം ഉള്ള വിഷയത്തിലാണ് സിനിമ എടുക്കുന്നത്,' പാര്‍വതിയ്ക്ക് മറുപടിയായി വിജയ് ദേവരക്കൊണ്ട പറഞ്ഞു