മക്കൾ സെൽവം വിജയ് സേതുപതിയ്ക്ക് ഇന്ന് നാൽപ്പത്തിയൊന്നാം പിറന്നാൾ. 1978 ജനുവരി 16നാണ് താരത്തിൻ്റെ ജനനം. സഹനടനായി സിനിമാ മേഖലയിലേക്കെത്തിയ വിജയ് സേതുപതി ഇന്ന് തമിഴ് സിനിമയുടെ അവിഭാജ്യ ഘടകമാണ്. നിർമ്മാതാവായും ഗാനരചയിതാവായും തൻ്റെ വ്യക്തിമുദ്ര പതിപ്പിച്ച താരത്തിൻ്റെ ചിത്രങ്ങളും അഭിനയ പ്രതിഭയും ഇന്നേറെ ശ്രദ്ധിക്കപ്പെടുന്നുണ്ട്. സൂപ്പര് സ്റ്റാര് രജിനികാന്തുൾപ്പെടെ വിജയ് സേതുപതിയുടെ അഭിനയത്തെ പ്രകീര്ത്തിച്ച് രംഗത്തെത്തിയത് കഴിഞ്ഞ കൊല്ലമായിരുന്നു. വേറിട്ട ചിത്രങ്ങളിൽ ശ്രദ്ധേയമായ പ്രകടനം കാഴ്ചവെയ്ക്കാൻ ഈ അതുല്യ കലാകാരന് കഴിഞ്ഞിട്ടുണ്ട്. ഇന്ന് തമിഴ് സിനിമയിലെ മുൻനിര നായക നടന്മാരിൽ മുൻപന്തിയിലെ പേരുകളിൽ ഒന്ന് വിജയ് സേതുപതിയുടേതാണ്. ബാലാജി തരണീതരൻ സംവിധാനം ചെയ്ത് കഴിഞ്ഞ കൊല്ലം പുറത്തിറങ്ങിയ 'സീതക്കാത്തി'യിലെ വയോധികനായുള്ള താരത്തിൻ്റെ പ്രകടനം ദേശീയ തലത്തിൽ തന്നെ ശ്രദ്ധ ആകര്ഷിച്ചു.
അക്കൗണ്ടൻ്റായി സിനിമയിലെത്തിയ താരം ആദ്യം ചെറിയ വേഷങ്ങളിലൂടെയാണ് ശ്രദ്ധേയനായത്. തുടര്ന്ന് 2010ൽ പുറത്തിറങ്ങിയ സീനു രാമസാമി ഒരുക്കിയ തെന്മേർക് പരുവകട്രിൻ ആയിരുന്നു ആദ്യ ചിത്രം. പിന്നീട് 2012ൽ സുന്ദരപണ്ഡിയൻ എന്ന സിനിമയിൽ വില്ലൻ കഥാപാത്രത്തെ അവതരിപ്പിച്ചു.
2012ൽ പുറത്തിറങ്ങിയ പിസ്സ , നടുവുല കൊഞ്ചം പക്കാതെ കാനോം എന്ന ചിത്രങ്ങളിൽ നായക വേഷം അഭിനയിച്ചു. തുടര്ന്ന് വിജയ് സേതുപതിയ്ക്ക് തിരിഞ്ഞു നോക്കേണ്ടി വന്നിട്ടില്ല. പിന്നീട് ചെയ്ത ചിത്രങ്ങളെല്ലാം തന്നെ ഹിറ്റായിരുന്നു. പിന്നീട് വിജയ് സേതുപതി മക്കൾ സെൽവനായി മാറുകയായിരുന്നു.
പിറന്നാൾ സ്പെഷ്യലായി താരത്തിൻ്റെ പുതിയ ചിത്രത്തിൻ്റെ പ്രഖ്യാപനം ഇന്നുണ്ടാകുമെന്ന് താരം ആരാധകരോട് വ്യക്തമാക്കി. സു അരുൺ കുമാറാണ് ചിത്രം സംവിധാനം ചെയ്യുന്നത്. യുവൻ ശങ്കര് രാജയുടേതാണ് സംഗീതം. വിജയ് സേതുപതിയുടെ ഇരുപത്തിയാറാം ചിത്രമാണ് ഇത്.
അക്കൗണ്ടൻ്റായി സിനിമയിലെത്തിയ താരം ആദ്യം ചെറിയ വേഷങ്ങളിലൂടെയാണ് ശ്രദ്ധേയനായത്. തുടര്ന്ന് 2010ൽ പുറത്തിറങ്ങിയ സീനു രാമസാമി ഒരുക്കിയ തെന്മേർക് പരുവകട്രിൻ ആയിരുന്നു ആദ്യ ചിത്രം. പിന്നീട് 2012ൽ സുന്ദരപണ്ഡിയൻ എന്ന സിനിമയിൽ വില്ലൻ കഥാപാത്രത്തെ അവതരിപ്പിച്ചു.
2012ൽ പുറത്തിറങ്ങിയ പിസ്സ , നടുവുല കൊഞ്ചം പക്കാതെ കാനോം എന്ന ചിത്രങ്ങളിൽ നായക വേഷം അഭിനയിച്ചു. തുടര്ന്ന് വിജയ് സേതുപതിയ്ക്ക് തിരിഞ്ഞു നോക്കേണ്ടി വന്നിട്ടില്ല. പിന്നീട് ചെയ്ത ചിത്രങ്ങളെല്ലാം തന്നെ ഹിറ്റായിരുന്നു. പിന്നീട് വിജയ് സേതുപതി മക്കൾ സെൽവനായി മാറുകയായിരുന്നു.
പിറന്നാൾ സ്പെഷ്യലായി താരത്തിൻ്റെ പുതിയ ചിത്രത്തിൻ്റെ പ്രഖ്യാപനം ഇന്നുണ്ടാകുമെന്ന് താരം ആരാധകരോട് വ്യക്തമാക്കി. സു അരുൺ കുമാറാണ് ചിത്രം സംവിധാനം ചെയ്യുന്നത്. യുവൻ ശങ്കര് രാജയുടേതാണ് സംഗീതം. വിജയ് സേതുപതിയുടെ ഇരുപത്തിയാറാം ചിത്രമാണ് ഇത്.