വിജയ് സേതുപതി ടോളിവുഡിലേക്ക്; അരങ്ങേറ്റം ബച്ചനൊപ്പം

തമിഴ് മക്കളുടെ സെൽവനെന്ന് അറിയപ്പെടുന്ന വിജയ് സേതുപതി ടോളിവുഡിലേക്ക് അരങ്ങേറാനൊരുങ്ങുന്നു. ബോളിവുഡ് ബിഗ് ബിയായ അമിതാഭ് ബച്ചനൊപ്പമാണ് വിജയ് സേതുപതിയുടെ ടോളിവുഡ് അരങ്ങേറ്റം. ചിരഞ്ജീവിയാണ് ചിത്രത്തിൽ നായകനാകുന്നത്. ബഹുഭാഷാ ചിത്രമായൊരുക്കുന്ന ചിത്രത്തിൽ നയൻതാരയാണ് നായിക. സ്വാതന്ത്യ്രസമരസേനാനി യു നരസിംഹറെഡ്ഡിയുടെ ജീവിതകഥ പറയുന്ന ചിത്രത്തിന് സൈയ് റാ നരസിംഹ റെഡ്ഡി എന്നാണ് പേരിട്ടിരിക്കുന്നത്.

150 കോടിയാണ് ബജറ്റിലൊരുങ്ങുന്ന ചിത്രം ചിരഞ്ജീവിയുടെ മകനും നടനുമായ രാംചരണ്‍ തേജയാണ് നിര്‍മിക്കുന്നത്. സുരേന്ദര്‍ റെഡ്ഡിയാണ് സംവിധാനം. എ ആര്‍ റഹ്മാന്‍റെ സംഗീതവും രവിവര്‍മന്‍റെ ക്യാമറയും ചിത്രത്തിന്‍റെ മറ്റു പ്രത്യേകതകളാണ്. നയന്‍താര, കിച്ച സുദീപ്, ജഗപതി ബാബു തുടങ്ങിയവരാണ് പ്രധാന വേഷത്തിലെത്തുന്നത്.

Vijay Sethupathi, Nayanthara, Chiranjeevi Uniting for a big budget Movie

Vijay Sethupathi, Nayanthara, Chiranjeevi Uniting for a big budget Tollywood Movie named Sye Raa Narasimha Reddy