'നെഞ്ചിനകത്ത് ലാലേട്ടൻ' പാടി കുഞ്ഞ് വിഹാൻ

മലയാളത്തിൽ കുഞ്ഞു കുട്ടികൾ മുതൽ മുതിർന്നവർ വരെ ആരാധകരുള്ള ഒരു നടനാണ് മോഹൻലാൽ. മോഹൻലാലിനോടുള്ള ആരാധന നിറഞ്ഞ ഒരു കുഞ്ഞാണ് ഇപ്പോൾ സാമൂഹ്യ മാധ്യമങ്ങളിൽ വൈറലാകുന്നത്. അത് വേറെയാരുമല്ല പ്രിയ നടൻ വിനയ് ഫോർട്ടിന്‍റെ മകൻ വിഹാനാണ്. ക്വീനിലെ തരംഗമായി മാറിയ ''നെഞ്ചിനകത്ത് ലാലേട്ടൻ'' എന്ന പാട്ടാണ് വിഹാൻ ഏറ്റുപാടിയത്.




നെഞ്ചിനകത്ത് ലാലേട്ടൻ എന്ന് വിനയ് പാടുമ്പോൾ കുഞ്ഞു വിഹാൻ ചിരിച്ചു കൊണ്ട് ലാലേട്ടൻ ലാലേട്ടൻ എന്ന് ഏറ്റുപാടുകയാണ്. വിനയ് ഫോർട്ട് തന്നെയാണ് ഈ വീഡിയോ ഫേസ്ബുക്കിൽ പങ്കുവച്ചത്. നിമിഷം നേരം കൊണ്ട് തന്നെ വീഡിയോ സാമൂഹ്യ മാധ്യമങ്ങളും ലാലേട്ടൻ ആരാധകരും ഏറ്റെടുത്തു.