മകൾ ഇപ്പോൾ പഠിക്കട്ടെ: ഡാൻസ് പഠിക്കുന്നുണ്ട്; കുഞ്ഞിന് താത്പര്യമെങ്കിൽ വന്നേക്കാം; വിനീത്!

നടനും നർത്തകനും ആണ് വിനീത്. മലയാളികളുടെ മനസ്സിൽ പതിഞ്ഞ നിരവധി കഥാപാത്രങ്ങളുണ്ട് വിനീതിന്റേതായി മലയാള സിനിമയിൽ. അഖിൽ സത്യൻ സംവിധാനം ചെയ്യുന്ന പാച്ചുവും അദ്ഭുതവിളക്കും ആണ് വിനീതിന്റേതായി ഇറങ്ങിയ പുത്തൻ ചിത്രം. ഇനി വരാൻ പോകുന്ന ധൂമത്തിലും ഫഹദിനൊപ്പമാണ് വിനീത് എത്തുക. ഇപ്പോഴിതാ തനറെ ജാപ്പനീസ് ആരാധികയെ കുറിച്ചും പറയുകയാണ് വിനീത്

എനിക്ക് ഒരു ജാപ്പനീസ് ഫാൻ ഉണ്ടായിരുന്നു. എന്തൊരു സ്നേഹം ആയിരുന്നു എന്നോ. എനിക്ക് കുറെ ഗിഫ്റ്റ് ഒക്കെ കൊണ്ട് തന്നിട്ടുണ്ട്. എന്റെ വിവാഹത്തിന് വന്നിരുന്നു. മൂന്ന് ദിവസം എന്റെ ഒപ്പം തലശ്ശേരിയിൽ ഉണ്ടായിരുന്നു. എന്റെ കൂടെ ഞങ്ങളുടെ റിസപ്‌ഷന് വന്നിരുന്നു. എനിക്ക് എന്നും പിറന്നാളിന് ഗിഫ്റ്റ് അയക്കുമായിരുന്നു. ഞാനും ഇന്ത്യൻ വസ്ത്രങ്ങളും മറ്റും ഗിഫ്റ്റായി നൽകിയിട്ടുണ്ട്. ഇറ്റാലിയൻ ടീ സെറ്റ്, കർപ്പറ്റ്, ഇഷ്ടം പോലെ ഗിഫ്റ്റ് അയച്ചിട്ടുണ്ട്. ഒരു മൂന്നു നാലഞ്ച് വര്ഷം വരെ എനിക്ക് മെയിൽ ചെയ്യുമായിരുന്നു.




ഒരു ഇറ്റാലിയൻ ഫാനും എനിക്ക് ഉണ്ട്. നമ്മുടെ കൾച്ചറിൽ നിന്നും വ്യത്യസ്തം ആണെങ്കിലും ആത്മാർത്ഥമായ സ്നേഹബന്ധങ്ങൾ ആണ് എനിക്ക് കിട്ടിയിട്ടുള്ളത്. ഒരു സമയത്ത് ഒരുപാട് പ്രൊപ്പോസൽസ് ഉണ്ടായിട്ടുണ്ട്. അത് സ്വാഭാവികം ആയിരുന്നു. ഞാൻ ഒരു ക്ഷേത്രത്തിൽ പരിപാടി അവതരിപ്പിക്കാൻ പോയ സമയം ഒരു സ്ത്രീ എന്റെ അടുത്ത് വന്നു പറഞ്ഞു എനിക്ക് ലെറ്റർ അയച്ചിട്ടുണ്ട് വിനീത് എന്ന്. ആ സമയത്ത് എനിക്ക് വരുന്ന കത്തുകൾക്ക് ഞാൻ മറുപടി അയക്കുമായിരുന്നു.

ആയിരക്കണക്കിന് കത്തുകൾ ആയിരുന്നു വന്നിരുന്നത്. ഇപ്പോഴും ഞാൻ സൂക്ഷിച്ചുവച്ചിട്ടുണ്ട്. ഹൃദയം കൊണ്ട് നമ്മളെ അനുഗ്രഹിക്കുന്നതാണു അതൊക്കെ. അതെല്ലാം അപ്പോൾ എനിക്ക് പ്രെഷ്യസ് ആണ്. ഞാൻ ഷൂട്ടിങ്ങിന് ഒക്കെ പോകുമ്പോൾ കസിൻസും അമ്മയും ഒക്കെ മറുപടി കൊടുക്കുമായിരുന്നു- കൗമുദിക്ക് നൽകുന്ന അഭിമുഖത്തിൽ വിനീത് പറയുന്നു.

മകൾ ഡാൻസ് പഠിക്കുന്നുണ്ട്. സിനിമയിലേക്ക് വരുമോ ഇല്ലയോ എന്ന് പറയാൻ ആകില്ല. അവൾക്ക് കഴിവുണ്ട്, ഇഷ്ടം ഉണ്ട് എങ്കിൽ വരട്ടെ. ഇപ്പോൾ അവളുടെ പ്രധാന കാര്യം പഠിക്കുക എന്നതാണ്. അതിൽ കൂടുതൽ ശ്രദ്ധിക്കട്ടെ എന്നാണ് പറയാൻ ആവുക എന്നും താരം പറയുന്നു.

കുറെ ചിത്രങ്ങൾ ഇപ്പോൾ വരുന്നുണ്ട്. അഞ്ചെണ്ണം കംപ്ലീറ്റ് ചെയ്തിട്ടുണ്ട്. നിളയാണ് ഇനി വരാൻ ഉള്ളത്. ഫഹദിന്റെ ധൂമം, പിന്നെ ഒരു തമിഴ് ചിത്രം, മമ്മുക്കയുടെ ഒരു ചിത്രവും ജോഷിയുടെ ചിത്രവും എന്റേതായി വരാനുണ്ട്. കത്തനാർ എന്ന ജയസൂര്യയുടെ പടത്തിലും ഒരു നല്ല റോളിൽ എത്തുന്നുണ്ട് എന്നും വിനീത് പറഞ്ഞു.