'ആലുവയിലെ വിഐപി പറയട്ടെ' എന്ന് പൾസർ സുനി

കൊച്ചി: നടി ആക്രമിക്കപ്പെട്ട കേസിൽ കൂടുതൽ പ്രതികളുണ്ടോ എന്ന് ആലുവയിലെ വിഐപി പറയട്ടെയെന്ന് പൾസർ സുനി. പൾസർ സുനിയുടെ റിമാൻഡ് കാലാവധി ഇന്ന് പൂർത്തിയായതിനെ തുടർന്ന് കോടതിയിൽ ഹാജരാക്കിയപ്പോഴാണ് സുനി മാധ്യമപ്രവർത്തകരോട് സംസാരിച്ചത്. സുനിയുടെ റിമാൻഡ് കാലാവധി ഓഗസ്റ്റ് ഒന്ന് വരെ നീട്ടി.

ആലുവ സബ്‌ജയിലിൽ കഴിയുന്ന ദിലീപിനെ ഉദ്ദേശിച്ചാണ് സുനി ഇങ്ങനെ സംസാരിച്ചതെന്നാണ് സൂചന. 'കഥ പകുതിയേ ആയിട്ടുള്ളൂ' എന്നും സുനി മധ്യമപ്രവർത്തകരോട് പറഞ്ഞു. കൂടുതൽ ചോദ്യങ്ങൾ ചോദിച്ചപ്പോൾ ആലുവയിലെ വിഐപി ഇനി പറയട്ടെയെന്നും സുനി പ്രതികരിച്ചു.

എന്നാൽ നടിയുടെ ദൃശ്യങ്ങൾ പകർത്തിയ ഫോൺ മുൻ അഭിഭാഷകൻ പ്രതീഷ് ചാക്കോക്ക് നൽകിയോ എന്ന ചോദ്യത്തിന് സുനി മറുപടി നൽകിയില്ല.

VIP from Aluva will speak out, says Pulsar Suni

Pulsar Suni says more responses regarding convicts in the case will be revealed by the VIP from Aluva