ഒരുമ്പെട്ടവൾ എന്ന് നമ്മൾ നിർവചിക്കുന്ന സ്ത്രീ സ്വഭാവങ്ങളെ കുറിച്ച് ഏറ്റവും മനോഹരമായി സംസാരിച്ച പുരുഷൻ! നയൻസിന്റെ വിക്കിയെക്കുറിച്ച് വൈറൽ കുറിപ്പ്

നോ വൺ ക്യാൻ ഇൻഫ്ളുവൻസ് നയൻതാര. ലോകത്തെ ഏറ്റവും മികച്ച ഐസ്‌ക്രീം ആണ്‌ ഒരു സ്പൂൺ ഒന്ന് രുചിച്ചു നോക്കൂ എന്ന് പറഞ്ഞാലും കാര്യമില്ല. അവൾക്ക് വേണ്ട എന്ന് തോന്നുന്ന കാര്യങ്ങൾ വേണ്ട എന്ന് തന്നെയാണ്. ആർക്കു വേണ്ടിയും തീരുമാനം മാറ്റില്ല. അയാം ഫോർച്ചുനേറ്റ് റ്റുബി എറൗണ്ട്. അതായത് അത്രയും ഉറപ്പുള്ള പെണ്ണിന്റെ തിരഞ്ഞെടുപ്പ് ആയത് എന്റെ ഭാഗ്യം. ഒരുമ്പെട്ടവൾ എന്ന് നമ്മൾ നിർവചിക്കുന്ന സ്ത്രീ സ്വഭാവങ്ങളെ കുറിച്ച് ഏറ്റവും മനോഹരമായി ഒരു പുരുഷൻ സംസാരിച്ചതാണ് കേട്ടത്.

ടോക് ലൈക്ക് ദിസ് എബൗട്ട് യുവർ വുമൻ. ബി പ്രൗഡ്, സേ ഇറ്റ് ലൗഡ്. ജ്യോതികയുടെ സൂര്യ, പേളിയുടെ ശ്രീനിഷ്, ഇപ്പോൾ നയൻസിന്റെ വിക്കി.ഞാൻ ഇഷ്ടപെടുന്ന ഭർത്താക്കന്മാർക്ക് കോമണായുള്ള ക്യാരക്ടർ അതാണ്. ദേ ആർ സോ പ്രൗഡ് ഓഫ്‌ ദെയർ വുമൺ. അവളുടെ ഉയർച്ചകളെക്കുറിച്ച് കണ്ണിൽ നക്ഷത്ര തിളക്കത്തോടെ സംസാരിക്കുന്നുണ്ട്. അവരുടെ വ്യക്തിത്വം അവർക്ക് അഭിമാനം ആണ്‌

പൊതുബോധത്തെ കുറിച്ച് അവര് ചിന്തിക്കുന്നതേയില്ല. പാട്രിയാർക്കിക്കൽ അവകാശങ്ങളെ സ്നേഹത്തോടെ വേണ്ടെന്നു വെച്ച് ഉയർന്നു പോകുന്ന പുരുഷന്മാർ. യാദൃശ്ചികം എന്നോണം ഇവരെല്ലാം തമിഴാണെന്നുമായിരുന്നു നിഷ പി കുറിച്ചത്. നിരവധി പേരാണ് പോസ്റ്റിന് താഴെയായി കമന്റുകളുമായെത്തിയത്. തമിഴിൽ പരസ്പരബഹുമാനമുണ്ട്. തമിഴകത്തു അല്ലെങ്കിലും സ്ത്രീകളോടുള്ള ബഹുമാനം ശ്രദ്ധേയമാണ്. 8 വയസ്സ് ഉള്ള പെൺകുഞ്ഞിനെപ്പോലും അവർ "അമ്മാ " എന്നേ സംബോധന ചെയ്യാറുള്ളു, തമിഴ്നാട്ടിലെ കാര്യങ്ങളെക്കുറിച്ചായിരുന്നു ചിലർ കമന്റ് ചെയ്തത്.

നയൻതാരയുമായി പ്രണയത്തിലാണെന്ന കാര്യം ആദ്യം സ്ഥിരീകരിച്ചത് വിഘ്നേഷ് ശിവനായിരുന്നു. വിമർശനങ്ങളുയർന്നപ്പോഴും നയൻസിനൊപ്പം ശക്തമായ പിന്തുണയുമായി വിക്കിയുമുണ്ടായിരുന്നു. ഇടയ്ക്ക് നയൻസിനൊപ്പം വിക്കി കേരളത്തിലേക്കെത്തിയിരുന്നു. തിരുപ്പതി സന്ദർശനത്തിന് പിന്നാലെയായി വിക്കിയും നയൻസും കേരളത്തിലേക്കെത്തിയിരുന്നു.