വിവാഹ അഭ്യൂഹങ്ങൾക്കിടെ കോഹ്‍ലിയും അനുഷ‍്‍കയും എയ‍ർപോ‍ർട്ടിൽ

ന്യൂഡൽഹി: ഡിസംബറിൽ വിവാഹം നടക്കുമെന്ന അഭ്യൂഹങ്ങൾക്കിടെ ഇന്ത്യൻ ക്യാപ്റ്റൻ വിരാട് കോഹ്‍ലിയും കാമുകിയും ബോളിവുഡ് താരവുമായ അനുഷ‍്‍ക ശർമ്മയും എയർപോർട്ടിൽ. മുംബൈ എയർപോർട്ടിലാണ് അനുഷ്കക്കും കുടുംബത്തിനുമൊപ്പം കോഹ്‍ലി എത്തിയത്. അനുഷ‍്‍കയെ യാത്ര അയക്കാൻ എത്തിയതായിരുന്നു താരം എന്നാണ് റിപ്പോർട്ടുകൾ.

അനുഷ‍്‍ക സ്വിറ്റ്സർലൻറിലേക്കാണ് യാത്ര തിരിച്ചതെന്ന് ഇന്ത്യ ടുഡേ റിപ്പോർട്ട് ചെയ്യുന്നു. ഇതിന് ശേഷം വിരാട് കോഹ്‍ലിയും ഡൽഹിയിൽ നിന്ന് സ്വിറ്റ്സർലൻറിലേക്ക് തിരിച്ചിട്ടുണ്ടെന്നുമാണ് റിപ്പോർട്ടുകൾ. ഇരുവരുടെയും വിവാഹം ഡിസംബർ 12ന് ഇറ്റലിയിൽ വെച്ച് തന്നെ നടക്കുമെന്നും മാധ്യമങ്ങൾ റിപ്പോർട്ട് ചെയ്യുന്നു.
#WATCH: Anushka Sharma and her family spotted at Mumbai's Chhatrapati Shivaji International Airport, last night, amid speculations of wedding in Italy pic.twitter.com/fLA1SM2NDz — ANI (@ANI) December 8, 2017 ഇറ്റലിയിൽ വെച്ച് ഇരുവരുടെയും വിവാഹം നടക്കുമെന്ന് നേരത്തെ സാമൂഹ്യമാധ്യമങ്ങളിലും മറ്റും വ്യാപക പ്രചരണങ്ങളുണ്ടായിരുന്നു. എന്നാൽ ഇരു താരങ്ങളിൽ നിന്നും ഇതുമായി ബന്ധപ്പെട്ട് ഇതേ വരെ ഔദ്യോഗികമായി ഒരു പ്രതികരണവും ഉണ്ടായിട്ടില്ല.