അവസാനം നിപയെ അതിജീവിച്ച കേരളത്തിന്റെ കഥയുമായി 'വൈറസ്'തിയറ്ററുകളിലെത്തിയിരിക്കുകയാണ്. എത്തുമോ എത്തില്ലയോ എന്നുള്പ്പെടെ ഇന്നുവരെ സംശയമായിരുന്നു. കാരണം കഴിഞ്ഞവര്ഷം ഈ സമയത്ത് കേരളം തുരത്തിയ നിപ വൈറസ് ഇക്കുറി വീണ്ടും അതേ സമയത്ത് എത്തിയതിനാൽ തന്നെ. ഈ സമയത്ത് നിപയുടെ ഭീതിതമായ ഓര്മ്മകളുമായി ഒരു ചിത്രമിറങ്ങിയാൽ അത് ജനങ്ങള് എങ്ങനെ സ്വീകരിക്കുമെന്ന് സോഷ്യൽമീഡിയയിലുള്പ്പെടെ വാദപ്രതിവാദങ്ങളുണ്ടായിരുന്നു.
ഇതോടെ വൈറസിന്റെ സംവിധായകനായ ആഷിക് അബുവും കൂട്ടരും പ്രചാരണപരിപാടികളുള്പ്പെടെ മാറ്റിവച്ചു. 'വൈറസ്' എന്ന ചിത്രം ആരെയും പരിഭ്രാന്തരാക്കാനല്ല പ്രതീക്ഷ പകരാനായാണെന്ന് സിനിമയുടെ അണിയറപ്രവര്ത്തരുള്പ്പെടെ സോഷ്യൽമീഡിയയിലുള്പ്പെടെ പറഞ്ഞു. അവസാനം ഇന്നിതാ ചിത്രം തിയറ്ററുകളിലെത്തിയിരിക്കുകയാണ്. ആരോഗ്യമന്ത്രി കെ.കെ ശൈലജ, ഡോ. ജി.അരുൺകുമാര്, കളക്ടര് യു.വി ജോസ്, നഴ്സ് ലിനി, ആശുപത്രിയിലെ ക്ലീനിംഗ് തൊഴിലാളി കെ.യു ശശിധരൻ തുടങ്ങി നിപയെ അതിജീവിക്കാൻ കാരണക്കാരായ നിരവധിപേരുടെ ജീവിതം അഭ്രപാളിയിൽ എത്തുകയാണ്. അതിനാൽ വൈറസ് പറയുന്നത് ഇത്തരത്തിലുള്ള അനേകം ജീവിതങ്ങളുടെ കഥയാണ്. നമ്മള് കടന്നുപോയതും ഇപ്പോള് ജീവിച്ചുകൊണ്ടിരിക്കുന്നതുമായ ഒരു ജീവിതം അതേപടി സ്ക്രീനിലെത്തുകയാണ്.
ഇത് നമ്മുടെ ജീവിതം തന്നെ: വൈറസ് റിവ്യൂ വായിക്കാം
ഇത് നമ്മുടെ ജീവിതം തന്നെ: വൈറസ് റിവ്യൂ വായിക്കാം