വിശാല്‍ വിവാഹിതനാകുന്നു; വധു വരലക്ഷ്മി

തമിഴ് താരം വിശാൽ വിവാഹിതനാകുന്നു. തമിഴകത്ത് സുപ്രീം സ്റ്റാർ എന്ന വിശേഷണമുള്ള ശരത് കുമാറിന്‍റെ മകൾ വരലക്ഷ്മിയെയാണ് വിശാൽ വിവാഹം കഴിക്കുന്നത്. തമിഴ് സിനിമാ താരങ്ങളുടെ നടികർ എന്ന സംഘടനയുമായി ബന്ധപ്പെട്ട തർക്കത്തെ തുടർന്ന് വിശാലും ശരത് കുമാറും ഇപ്പോൾ കടുത്ത ശത്രുതയിലാണ്. എന്നാൽ ശത്രുത മറന്ന് മകളെ വിശാലിന് കൈപിടിച്ച് നൽകുമോ എന്ന് ആകാംക്ഷയോടെ ഉറ്റുനോക്കുകയാണ് തമിഴകം.




നടികർ സംഘടനയ്ക്കായി പണിയുന്ന കെട്ടിടത്തിന്‍റെ പണി ഈ വർഷം പൂർത്തിയാകും. അതുകഴിഞ്ഞാൽ ഉടനെ വിവാഹം നടക്കുമെന്നാണ് വിശാൽ പറയുന്നത്. രണ്ടു വർഷത്തിലേറെയായി ഇരുവരും പ്രണയത്തിലാണ്. അതുകൊണ്ട് വധു വരലക്ഷമി തന്നെയായിരിക്കും എന്ന കാര്യത്തിൽ ആരാധകർക്ക് സംശയമില്ല.




വിശാല്‍-ശരത് കുമാര്‍ പക്ഷങ്ങളുടെ അഭിപ്രായ ഭിന്നത സംഘടനയുടെ തെരഞ്ഞെടുപ്പില്‍ സംഘര്‍ഷങ്ങൾ സൃഷ്ടിച്ചിരുന്നു. നടികര്‍ സംഘത്തിന്‍റെ കെട്ടിട നിര്‍മ്മാണവുമായി ബന്ധപ്പെട്ട് വിശാലിനെതിരെ ശരത് കുമാര്‍ അഴിമതി ആരോപണവും ഉന്നയിച്ചിരുന്നു.