Also Read: ധ്യാന്‍ ശ്രീനിവാസന്റെ തിരക്കഥയില്‍ 'പ്രകാശന്‍ പറക്കട്ടെ'
കൃഷ്ണൻകുട്ടി പണി തുടങ്ങി
നവംബർ 23 ന് തൊടുപുഴയിൽ ഷൂട്ടിങ് ആരംഭിക്കും. വിഷ്ണു ഉണ്ണികൃഷ്ണനൊപ്പം സാനിയ ഇയ്യപ്പനാണ് ചിത്രത്തിൽ ഫീമെയിൽ ലീഡ് റോളിലെത്തുന്നത്. ഹോം നഴ്സ് ആയ ഉണ്ണിക്കണ്ണൻ്റെ ജീവിതത്തിൽ അവിചാരിതമായി സംഭവിക്കുന്ന ചില കാര്യങ്ങളിലൂടെയാണ് 'കൃഷ്ണൻകുട്ടി പണി തുടങ്ങി' എന്ന ചിത്രത്തിൻ്റെ കഥ വികസിക്കുന്നത്. വിഷ്ണു ഉണ്ണിക്കൃഷ്ണൻ സ്ക്രീനിലെത്തുന്നത് ഉണ്ണിക്കണ്ണൻ എന്ന കഥാപാത്രമായാണ്.
ആനന്ദ് ആദ്യമായി എഴുത്ത് മേഖലയിലേക്ക്
സംഗീത സംവിധായകൻ ആനന്ദ് മധുസൂദനനാണണ് ഈ ചിത്രത്തിനായി കഥയും, തിരക്കഥയും, സംഭാഷണവും ഒരുക്കുന്നത്. ഏറെ വൈറലായ 'പൊടിമീശ മുളയ്ക്കണ കാലം...' എന്ന സൂപ്പർഹിറ്റ് ഗാനമൊരുക്കി ശ്രദ്ധ നേടിയ സംഗീത സംവിധായകനാണ് ആനന്ദ് മധുസൂദനൻ. ആനന്ദ് ആദ്യമായി എഴുത്ത് മേഖലയിലേക്ക് ചുവടുവെക്കുന്ന ചിത്രം കൂടിയാണ് ഇത്. ഹരി നാരായണനാണ് ഗാനരചന നിർവ്വഹിക്കുന്നത്. പ്രൊഡക്ഷൻ കൺട്രോളറായ ബാദുഷയാണ് ചിത്രത്തിൻ്റെ എക്സിക്യൂട്ടീവ് പ്രൊഡ്യൂസർ.
മികച്ച ടീം
ജിത്തു ദാമോദറാണ് ചിത്രത്തിൻ്റെ ക്യാമറ കൈകാര്യം ചെയ്യുന്നത്. ബാഹുബലി, പത്മാവത് എന്നീ ചിത്രങ്ങളുടെ സൗണ്ട് ഡിസൈനറും, നാഷണൽ അവാർഡ് ജേതാവുമായ ജെസ്റ്റിൻ ജോസാണ് ചിത്രത്തിൻ്റെ സൗണ്ട് ഡിസൈനിംഗ് നിർവ്വഹിക്കുന്നത്. ചിത്രസംയോജനം കിരൺ ദാസും പ്രൊഡക്ഷൻ ഡിസൈനർ എം. ബാവയുമാണ്. ആരതി ഗോപാലാണ് കോസ്റ്റ്യൂം ഡിസൈൻ, നജിൽ അഞ്ചൽ മേക്കപ്പും രതീഷ് എസ് അസോസിയേറ്റ് ഡയറക്ടറായും പ്രവർത്തിക്കുന്നു.
വിഷ്ണു ഉണ്ണിക്കൃഷ്ണൻ ചിത്രം
അഷ്‌റഫ്‌ ഗുരുക്കളാണ് സംഘട്ടന രംഗങ്ങൾ കൈകാര്യം ചെയ്യുന്നത്. മഹേഷ്‌ മഹി മഹേശ്വറാണ് സ്റ്റിൽസ് ഒരുക്കുന്നത്. പ്രൊഡക്ഷൻ കൺട്രോളർ റിച്ചാർഡും പ്രൊഡക്ഷൻ എക്സിക്യൂട്ടീവ് അമ്പിളി കോട്ടയവുമാണ്, ആർട്ടോ കാർപസാണ് പബ്ലിസിറ്റി ഡിസൈൻസ് കൈകാര്യം ചെയ്യുന്നത്. മഞ്ജു ഗോപിനാഥാണ് പിആർഒ.