കട്ടപ്പനയിലെ ഹൃത്വിക് റോഷന്‍റെ ആദ്യ ഫേസ്ബുക്ക് ലൈവ്

കട്ടപ്പനയിലെ ഹൃത്വിക് റോഷൻ എന്ന സിനിമയിലൂടെ പ്രേക്ഷകരുടെ മനംകവർന്നൊരു താരമാണ് വിഷ്ണു ഉണ്ണികൃഷ്ണൻ. ഒരു പുതുമുഖ നടനെ നായകനാക്കി നാദിർഷ സംവിധാനം ചെയ്ത ചിത്രം കഥയിലെ പുതുമ കൊണ്ടും അവതരണം രീതി കൊണ്ടും വളരെയധികം വ്യത്യസ്ത പുലർത്തിയിരുന്നു. കൃഷ്ണൻ നായർ എന്ന കഥാപാത്രത്തെ വളരെ മനോഹരമായി തന്നെ അഭിനയിക്കാൻ വിഷ്ണുവിന് സാധിച്ചതും ചിത്രത്തിന്‍റെ വിജയത്തിന് കാരണമായി.

കട്ടപ്പനയിലെ ഹൃത്വിക് റോഷൻ ആദ്യമായി ഫേസ്ബുക്ക് ലൈവിൽ വന്നിരിക്കുകയാണ്. ഇന്ന് റിലീസ് ചെയ്യുന്ന ഫഹദ് ഫാസിലിന്‍റെ 'റോൾ മോഡൽസ്' എന്ന ചിത്രം കാണാൻ എറണാകുളം പദ്‍മ തിയേറ്ററിൽ എത്തിയപ്പോഴാണ് താരം ലൈവിലെത്തിയത്. തന്‍റെ സുഹൃത്ത് ബിബിൻ ജോർജ് ചിത്രത്തിൽ പ്രധാന വേഷം ചെയ്യുന്നുണ്ടെന്നും ബിബിനെ സപ്പോർട്ട് ചെയ്യണമെന്നുമാണ് വിഷ്ണു ആവശ്യപ്പെട്ടത്.

എല്ലാവരും തന്നോട് ഫേസ്ബുക്ക് ലൈവില്‍ വരാൻ ആവശ്യപ്പെടാറുണ്ടെന്നും എന്നാല്‍ തനിക്ക് ഫേസ്ബുക്ക് ലൈവില്‍ വരാന്‍ അറിയില്ലെന്നും ഇപ്പോള്‍ തന്നെ സുഹൃത്തിന്‍റെ ഫോണില്‍ നിന്നുമാണ് സംസാരിക്കുന്നതെന്നും വിഷ്ണു പറഞ്ഞു. തന്‍റെ പേരില്‍ ഒരുപാട് വ്യാജ അക്കൗണ്ടുകൾ നിലവിലുണ്ട്. യഥാർത്ഥ അക്കൗണ്ട് ഇതാണെന്നും, ഇതല്ലാതെ വേറെ അക്കൗണ്ട് ഇല്ലെന്നുമാണ് വിഷ്ണു പറയുന്നത്. ആദ്യമായി ലൈവ് വന്നതിന്‍റെ സന്തോഷവും താരത്തിന്‍റെ മുഖത്തുണ്ടായിരുന്നു.



Vishnu Unnikrishnan's first Facebook Live

Vishnu Unnikrishnan came in Facebook live seeking support for his fiend Bibin George.