ഒന്നല്ല രണ്ട് തവണ കണ്ടു, വര്‍ഷങ്ങള്‍ക്ക് ശേഷം സിനിമയെ കുറിച്ച് വിസ്മയ മോഹന്‍ലാല്‍ പറഞ്ഞത്; പെങ്ങളും എത്തി, പ്രണവ് എവിടെ?

അത്രയ്ക്ക് അധികം പ്രേക്ഷകര്‍ക്ക് സംവദിക്കാന്‍ അവസരം കിട്ടാത്ത രണ്ട് താര പുത്രി - പുത്രന്മാരാണ് പ്രണവ് മോഹന്‍ലാും വിസ്മയ മോഹന്‍ലാലും. ലൈം ലൈറ്റിലോ, പൊതു ജനമദ്ധ്യത്തിലോ വന്ന് രണ്ട് പേരും അഭിപ്രായ പ്രകടനങ്ങള്‍ ഒന്നും നടത്താറില്ല. അതേ സമയം സോഷ്യല്‍ മീഡിയയിലൂടെ ഇടയ്‌ക്കെങ്കിലും തങ്ങളുടെ വിശേഷങ്ങള്‍ പങ്കുവയ്ക്കാറുണ്ട്. യാത്രയുടെയും വായനയുടെയും ലോകത്താണ് പ്രണവും വിസ്മയയും പലപ്പോഴും.

അടുത്തിടെ വിസ്മസ ലിഡിയ എന്ന ട്രാവലര്‍ക്ക് നല്‍കി അഭിമുഖവും, അമ്മയ്‌ക്കൊപ്പം അമേരിക്കന്‍ ഗായകന്റെ സ്റ്റേജ് ഷോയ്ക്ക് പോയ വീഡിയോയും എല്ലാം സോഷ്യല്‍ മീഡിയയില്‍ വൈറലായിരുന്നു. പിന്നാലെ ഇപ്പോഴിതാ, ചേട്ടന്റെ വര്‍ഷങ്ങള്‍ക്ക് ശേഷം എന്ന സിനിമ കണ്ട അനുഭവം പങ്കുവച്ച് എത്തിയിരിക്കുകയാണ് താരപുത്രി. ഇന്‍സ്റ്റഗ്രാം സ്റ്റോറിയിലൂടെയാണ് അഭിപ്രായ പ്രകടനം നടത്തിയത്. ഒന്നല്ല, രണ്ട് തവണ സിനിമ കണ്ടു എന്ന് വിസ്മയ പറയുന്നു.

സിനിമ റിലീസ് ചെയ്യുന്നതിന് മുന്‍പ് 'ഇജ് വരുണ്ടോ ചെങ്ങായി' എന്ന ക്യാപ്ഷനോടെ പ്രണവ് പോസ്റ്റ് ചെയ്ത സിനിമയുടെ പോസ്റ്റര്‍ ഷെയര്‍ ചെയ്യുകയായിരുന്നു വിസ്മയ മോഹന്‍ലാല്‍. 'രണ്ട് തവണ കണ്ടു, എന്തൊരു മനോഹരമായ സിനിമ' എന്നാണ് പ്രണവിനെ ടാഗ് ചെയ്ത് വിസ്മയ പറഞ്ഞത്.

വര്‍ഷങ്ങള്‍ക്ക് ശേഷം സിനിമ കണ്ടതിന് ശേഷം ആദ്യമായി സുചിത്ര മോഹന്‍ലാല്‍ ഒരു മാധ്യമത്തിന് അഭിമുഖം നല്‍കിയത് വൈറലായിരുന്നു. അച്ഛന്‍ മോഹന്‍ലാലും വളരെ വികാരഭരിതനായി, തന്റെ കൈപ്പടയില്‍ ഒറു കുറിപ്പ് എഴുതി പോസ്റ്റ് ചെയ്യുകയും ചെയ്തിരുന്നു. വീട്ടിലെ ഹോം തിയേറ്ററില്‍ സുചിത്രയ്‌ക്കൊപ്പം ഇരുന്ന് സിനിമ കണ്ടതിന് ശേഷമായിരുന്നു മോഹന്‍ലാല്‍ സ്വന്തം കൈപ്പടയില്‍ സിനിമയെ കുറിച്ച് ഒറു കുറിപ്പ് എഴുതി പങ്കുവച്ചത്. സിനിമ കണ്ട് ഞാനും എന്റെ ഭൂതകാലത്തിലേക്ക് പോയി എന്നാണ് മോഹന്‍ലാല്‍ പറഞ്ഞത്.

അമ്മയും അച്ഛനും പെങ്ങളും സിനിമയെ കുറിച്ച് അഭിപ്രായം പറയുമ്പോള്‍ പ്രണവ് മോഹന്‍ലാല്‍ എവിടെ എന്നാണ് ആരാധകരുടെ ചോദ്യം. സിനിമ കാണാന്‍ കേരളത്തിലെ തിയേറ്ററില്‍ എവിടെയും പ്രണവ് എത്തിയതായി വിവരമില്ല. ചിത്രീകരണം പൂര്‍ത്തിയാക്കി പ്രണവ് തന്റെ യാത്രകളിലേക്ക് മടങ്ങി, ഇപ്പോള്‍ ഊട്ടിയിലാണെന്നാണ് ആരാധകരുടെ ചോദ്യത്തിന് ഉത്തരമായി സുചിത്ര പറഞ്ഞത്‌.