വിസ്മയുടെ ടാറ്റു
ടാറ്റു ചെയ്യുന്ന വീഡിയോ ആണ് വിസ്മയ പങ്കുവച്ചിരിയ്ക്കുന്നത്. അധികമാരും പ്രതീക്ഷിക്കാത്ത ഇടത്താണ് താരപുത്രി ടാറ്റു ചെയിതിരിയ്ക്കുന്നത്, അതും സഹോദരി സ്‌നേഹം അറിയിച്ചുകൊണ്ടുള്ളതാണ് ടാറ്റു. വിസ്മയയും സഹോദരിയെ പോലെ കാണുന്നയാളും ചേര്‍ന്നാണ് ടാറ്റു ചെയ്തിരിയ്ക്കുന്നത്
സഹോദരിയ്‌ക്കൊപ്പം
രണ്ട് പേരുടെയും ചെറുവിരലിലാണ് ടാറ്റു. സ്‌മൈലിയാണ് ടൈറ്റുവിന്റെ ആശയം. ഒരാളുടെ ചെറുവിരലില്‍ ചിരിയും, മറ്റെയാളുടെ ചെറുവിരലില്‍ രണ്ട് കുത്തുകളും ടാറ്റു ചെയ്തിരിയ്ക്കുന്നു. ഒരുമിച്ച് വയ്ക്കുമ്പോള്‍ അതൊരു സ്‌മൈലി ഇമോജിയായി കാണാം.
അച്ഛനെ പോലയല്ല മക്കള്‍
അച്ഛന്‍ ലോകം അറിയപ്പെടുന്ന നടനായിട്ടും അച്ഛന്റെ ലേബലില്‍ പ്രശസ്തി നേടാത്ത രണ്ട് മക്കളാണ് പ്രണവും വിസ്മയയും. പ്രണവ് തന്റെ യാത്രകള്‍ക്ക് വേണ്ട പണം സമ്പാദിക്കാനായി ഇടയ്ക്ക് വന്ന് അഭിനയിക്കും. ഇപ്പോഴും ആശാന്‍ കറക്കത്തിലാണ്. വിസ്മയയാവട്ടെ മറ്റ് യാത്രയും എഴുത്തും വായനയും ഒക്കെയായി മുന്നോട്ട് പോകുന്നു.
വിസ്മയയുടെ ഇഷ്ടങ്ങള്‍
ഇതിന് മുന്‍പ് വിസ്മയയുടെ ഒരു വര്‍ക്കൗട്ട് വീഡിയോയും വൈറലായിരുന്നു. കുങ് ഫു, ബോക്‌സിങ് തുടങ്ങിയ കാര്യങ്ങളിലും വളരെ അധികം താത്യപര്യമുള്ള ആളാണ് വിസ്മയ. താരത്തിന്റെ ബോക്‌സിങ് വീഡിയോയും ശ്രദ്ധ നേടിയിട്ടുണ്ട്.