എെശ്വര്യയുമായുള്ള പ്രണയം കരിയർ തകർത്തെന്ന് വിവേക് ഒബ്‍റോയ്

എെശ്വര്യ റായും വിവേക് ഒബ്‍റോയും തമ്മിലുള്ള പ്രണയത്തെ ഒരു കാലത്ത് ആവേശത്തോടെയാണ് ബോളിവുഡ് ആഘോഷിച്ചത്. ഗോസിപ്പ് കോളങ്ങളിലെ ഏറ്റവും ഹിറ്റായ പ്രണയജോഡിയായിരുന്നു ഇരുവരും. വിവേകിന് മുമ്പ് സൂപ്പർതാരം സൽമാൻ ഖാൻ ആയിരുന്നു എെശ്വര്യയുടെ കാമുകൻ. ഇരുവരും തമ്മിലുള്ള പ്രണയം ബ്രേക്ക് അപ്പ് ആയതോടെയാണ് എെശ്വര്യ വിവേകുമായി അടുത്തത്.



എന്നാൽ ആ പ്രണയകാലം തൻെറ കരിയറിൽ ഏറെ ദുരന്തങ്ങളാണ് ഉണ്ടാക്കിയതെന്ന വെളിപ്പെടുത്തലുമായി ഇപ്പോൾ വിവേക് ഒബ്‍റോയ് രംഗത്തെത്തിയിരിക്കുകയാണ്. ആരും കൊതിക്കുന്നതായിരുന്നു വിവേകിൻെറ തുടക്കം. മോഹൻലാൽ അഭിനയിച്ച ബോളിവുഡ് ചിത്രം കമ്പനിയിലെ വിവേകിൻെറ പ്രകടനം ഏറെ പ്രശംസ പിടിച്ച് പറ്റിയതായിരുന്നു. ബോളിവുഡിലെ പുത്തൻ താരോദയമായി ഈ രാംഗോപാൽ വർമ്മ ചിത്രത്തിലൂടെ വിവേക് ശ്രദ്ധിക്കപ്പെട്ടു.

എന്നാൽ എെശ്വര്യയുമായി പ്രണയത്തിലായതാണ് തൻെറ കരിയറിനെ അബദ്ധത്തിലാക്കിയതെന്നാണ് വിവേകിൻെറ പുതിയ വെളിപ്പെടുത്തൽ. പ്രണയത്തിൽ നിന്ന് പിൻമാറണമെന്ന് ആവശ്യപ്പെട്ട് സൽമാൻ ഖാൻ തന്നെ വിളിച്ച് ഭീഷണിപ്പെടുത്തിയതായി താരം പറഞ്ഞു. കൊല്ലുമെന്ന് പറഞ്ഞായിരുന്നു സൽമാൻെറ ഭീഷണി.



താനും എെശ്വര്യയും തമ്മിൽ അകലുന്നതിന് ഇതും ഒരു കാരണമായെന്ന് വിവേക് പറഞ്ഞു. ജീവിതത്തിൽ ഏറെ വേദനിപ്പിച്ച സംഭവമായിരുന്നു അത്. സിനിമയിൽ തിളങ്ങി നിന്ന സമയത്തുണ്ടായ ഭീഷണി കരിയറിനെ ബാധിച്ചു. പല ഓഫറുകളും വേണ്ടെന്ന് വെച്ചു. അതിൽ പല ചിത്രങ്ങളും വമ്പൻ ഹിറ്റുകളായെന്നും വിവേക് പറഞ്ഞു.

Vivek Oberoi about Aishwarya Rai and his career

Bollywood actor Vivek Oberoi described about his love affair with Aishwarya Rai. He also revealed that he got death threat from Salman Khan.