ഞാനായിട്ട് നോക്കാറില്ല! ഗൂഗിളില്‍ തിരയുന്നവര്‍ക്ക് കിട്ടും! മാര്യേജ് ഫോട്ടോയെക്കുറിച്ച് മേഘ്‌ന രാജ്‌

തെന്നിന്ത്യന്‍ സിനിമാപ്രേക്ഷകര്‍ക്ക് ഏറെ പ്രിയങ്കരിയായ താരമാണ് മേഘ്‌ന രാജ്. ചിരഞ്ജീവി സര്‍ജയുടെ അപ്രതീക്ഷിത വിയോഗത്തെക്കുറിച്ച് അറിഞ്ഞപ്പോള്‍ മേഘ്‌നയെക്കുറിച്ചോര്‍ത്തായിരുന്നു ആരാധകര്‍ ആശങ്കപ്പെട്ടത്. കുഞ്ഞതിഥി വരികയാണെന്ന സന്തോഷം അറിഞ്ഞതിന് പിന്നാലെയായാണ് ചിരുവിന്റെ വിയോഗം. വര്‍ഷങ്ങളായുള്ള സൗഹൃദത്തിനൊടുവിലായി വിവാഹിതരായവരാണ് മേഘ്‌നയും ചിരുവും. കുഴപ്പങ്ങളൊന്നുമില്ല, ഞാന്‍ തിരികെ വരുമെന്ന് പറഞ്ഞായിരുന്നു ചിരു ആശുപത്രിയിലേക്ക് പോയത്. ആ വാക്കിലായിരുന്നു തന്റെ പ്രതീക്ഷയെന്ന് മേഘ്‌ന പറഞ്ഞിരുന്നു. നേരിട്ടല്ലെങ്കിലും ചിരു എപ്പോഴും തന്റെ കൂടെ തന്നെയുണ്ടെന്ന് മേഘ്‌ന പറഞ്ഞിരുന്നു. ചിരു ആഗ്രഹിച്ചത് പോലെ തന്നെ ആണ്‍കുഞ്ഞായിരുന്നു ജനിച്ചത്. മകന്റെ വിശേഷങ്ങളെല്ലാം മേഘ്‌ന ആരാധകരുമായി പങ്കിടാറുണ്ട്. അടുത്തിടെയായിരുന്നു താരം യൂട്യൂബ് ചാനല്‍ തുടങ്ങിയത്. പ്രേക്ഷകര്‍ തന്നെക്കുറിച്ച് സെര്‍ച്ച് ചെയ്യുന്ന ചോദ്യങ്ങളും അവയുടെ മറുപടിയുമായെത്തിയിരിക്കുകയാണ് മേഘ്‌ന.
ഗൂഗിളില്‍ എന്നെക്കുറിച്ച് തിരയുന്ന ചോദ്യങ്ങളെക്കുറിച്ചാണ് ഇത്തവണ പറയുന്നത്. ബാംഗ്ലൂരില്‍ എവിടെയാണെന്നാണ് ചിലരുടെ ചോദ്യങ്ങള്‍. ജെപി നഗറിലാണ് ഞാന്‍. അത് എല്ലാവര്‍ക്കും അറിയുന്നതാണ്. പ്രായത്തെക്കുറിച്ച് ചോദിച്ചപ്പോള്‍ നിങ്ങള്‍ കരുതുന്നത് പോലെ തന്നെയെന്നായിരുന്നു മേഘ്‌ന പറഞ്ഞത്. അച്ഛന്‍ തമിഴനാണ്. ഞങ്ങള്‍ ബാംഗ്ലൂരിലാണ് സെറ്റില്‍ ചെയ്തത്. അങ്ങനെ കന്നഡ പഠിക്കുകയായിരുന്നു. റയാന്റെ കാര്യങ്ങളെക്കുറിച്ചെല്ലാം നിങ്ങള്‍ക്ക് തന്നെ അറിയാവുന്നതാണ്. അവനിപ്പോള്‍ രണ്ട് വയസായി. റയാന്‍ എന്നാല്‍ രാജാവ് എ്ന്നാണ് അര്‍ത്ഥം.
മലയാളത്തില്‍ അഭിനയിച്ചപ്പോള്‍ മികച്ച അനുഭവമായിരുന്നു. അവസരം കിട്ടിയാല്‍ ഇനിയും മലയാളത്തില്‍ അഭിനയിക്കും. ഞാന്‍ മാര്യേജ് ഫോട്ടോസ് നോക്കാറില്ല. ഗൂഗിളില്‍ നോക്കിയാല്‍ മാര്യേജ് ഫോട്ടോ കാണാം. ഇതുവരെ അഭിനയിച്ച സിനിമകള്‍ എത്രയാണെന്നൊന്നും ഞാന്‍ നോക്കിയിട്ടില്ല. ആദ്യം അഭിനയിച്ചത് തമിഴിലാണെന്നും മേഘ്ന പറഞ്ഞിരുന്നു. നിരവധി പേരായിരുന്നു വീഡിയോയ്ക്ക് താഴെയായി സ്‌നേഹം അറിയിച്ചെത്തിയത്.