ദീപികയുടേയും രൺവീറിന്റെയും വിവാഹം നവംബറിൽ; കല്ല്യാണക്കുറി നടി പുറത്തുവിട്ടു

ആരാധകർ കാത്തിരുന്ന താര മാംഗല്ല്യം വന്നെത്തി. താരജോഡികളായ ദീപിക പദുക്കോണിന്റെയും രൺവീറിന്റെയും വിവാഹം നവംബറിൽ. ഏറെനാളായി ഇരുവരും പ്രണയത്തിലായിരുന്നു. ദീപികയാണ് വിവാഹ വിവരം തന്റെ ഔദ്യോഗിക ഇൻസ്റ്റഗ്രാം അക്കൌണ്ട് വഴി പങ്കുവെച്ചിരിക്കുന്നത്.

വിവാഹ വിവരം പങ്കുവെയ്ക്കുന്നതിൽ അതിയായ സന്തോഷമുണ്ടെന്നും ഇരുവരുടെയും കുടുംബത്തിന്റെ അനുഗ്രഹത്തോടെ വിവാഹ ചടങ്ങുകൾ നവംബർ 14-15 തിയ്യതികളിൽ നടക്കുമെന്നും ദീപിക പറഞ്ഞു.

നവംബറോടെ ഇരുവരുടേയും വിവാഹം ഇറ്റലിയിൽവെച്ച് നടക്കുമെന്ന് നേരത്തെ അഭ്യൂഹങ്ങളുണ്ടായിരുന്നു. എങ്കിലും വിവാഹ വിവരം ഔദ്യോഗികമായി സ്ഥിരീകരിക്കാൻ ദീപികയോ രൺവീറോ തയ്യാറായിരുന്നില്ല.