വിവാഹ അഭ്യര്‍ത്ഥന
ഫോട്ടോഷൂട്ടിന് ഇടയില്‍ കടലിലേക്ക് തിരിഞ്ഞ് നോക്കി നില്‍ക്കുകയായിരുന്നു വൈഷ്ണവി. പെട്ടന്ന് രാഘവ് ബാഗില്‍ നിന്നും ഒരു മോതിരവുമായി പിറകിലൂടെ വന്ന് മുട്ടു കുത്തി വിവാഹാഭ്യര്‍ത്ഥന നടത്തുന്നതാണ് വീഡിയോയില്‍ കാണുന്നത്. തീര്‍ത്തും ഒരു സിനിമാറ്റിക് രംഗമായിരുന്നു അത്.
ആശ്ചര്യത്തോടെ വൈഷ്ണവി
ഒട്ടും പ്രതീക്ഷിക്കാത്ത നേരത്ത് അങ്ങനെ ഒരു പ്രപ്പോസ് വന്നതിന്റെ ആശ്ചര്യം വൈഷ്ണവിയുടെ മുഖത്തും കാണാം. ഉള്ളില്‍ രാഘവിനോട് പ്രണയമായിരിക്കാം, അതാവുമല്ലോ വിവാഹം അഭ്യര്‍ത്ഥിച്ചപ്പോള്‍ തന്നെ അത് സ്വീകരിച്ചത്. വൈഷ്ണവിയുടെ നീണ്ടകാല സുഹൃത്ത് ആണ് രാഘവ് നന്ദകുമാര്‍.
ഫോട്ടോഷൂട്ട് പ്രപ്പോസലായി
'ഒരു ഫോട്ടോഷൂട്ട് രംഗം വില്‍ യു മാരി മി എന്ന മനോഹര നിമിഷത്തിലേക്ക് മാറുമ്പോള്‍ എന്ത് പറയാന്‍ പറ്റും, ഞാന്‍ യെസ് എന്ന് പറഞ്ഞു' - പ്രപ്പോസ് വീഡിയോ ഇന്‍സ്റ്റഗ്രാമില്‍ പങ്കുവച്ചുകൊണ്ട് വൈഷ്ണവി പറഞ്ഞു. സുഹൃത്തായ അമൃതയാണ് ഒട്ടും പ്രതീക്ഷിക്കാത്ത ഈ മുഹൂര്‍ത്തം വീഡിയോ ആക്കിയത്.
ആശംസകളും കമന്റുകളും
വൈഷ്ണവിയ്ക്കും രാഘവിനും ആശംസകള്‍ അറിയിച്ചുകൊണ്ട് സെലിബ്രിറ്റി സുഹൃത്തുക്കള്‍ അടക്കം ആരാധകരും എത്തി. ചാന്ദ്‌നി ശ്രീധര്‍, നിരഞ്ജന അനൂപ്, അമയ മാത്യു, അര്‍ച്ചന കവി, ബിയോണ്‍ തുടങ്ങി നിരവധി താരങ്ങളാണ് ആശംസകളുമായി എത്തിയിരിയ്ക്കുന്നത്. സോ സ്വീറ്റ്, കണ്‍ഗ്രാറ്റ്‌സ്, ദൈവം അനുഗ്രഹിക്കട്ടെ എന്നിങ്ങനെ പോകുന്നു കമന്റുകള്‍