എംജി ശ്രീകുമാർ മുതല്‍ അമൃത സുരേഷ് വരെ! പ്രായവ്യത്യാസം തടസമായില്ല! ലിവിങ് റ്റുഗദറിലൂടെ വാര്‍ത്തകളില്‍ നിറഞ്ഞ താരങ്ങള്‍

താരങ്ങളുടെ സ്വകാര്യജീവിതവും വാര്‍ത്തകളില്‍ നിറയാറുണ്ട്. പ്രണയവും ബ്രേക്കപ്പും വിവാഹവും ഡിവോഴ്‌സുമെല്ലാം സോഷ്യല്‍മീഡിയ ആഘോഷമാക്കാറുണ്ട്. ഗോപി സുന്ദറും അഭയ ഹിരണ്‍മയിയും ലിവിങ് റ്റുഗദര്‍ ജീവിതം അവസാനിപ്പിച്ചത് വലിയ ചര്‍ച്ചയായിരുന്നു. പരസ്പര സഹകരണത്തോടെ വര്‍ഷങ്ങളോളം ഒന്നിച്ച് ജീവിച്ച് പിന്നീട് നിയമപരമായി വിവാഹിതരായ താരങ്ങളുണ്ട്. ലിവിങ് റ്റുഗദറായി തുടങ്ങി ഇടയ്ക്ക് വെച്ച് വേര്‍പിരിഞ്ഞവരുമുണ്ട്. പ്രായവ്യത്യാസമോ മതമോ മറ്റ് കാര്യങ്ങളൊ ഒന്നും ഇവര്‍ക്ക് പ്രശ്‌നമല്ല.
ജയ്-അഞ്ജലി, വിഘ്‌നേഷ് നയന്‍താര, അമൃത സുരേഷ്- ഗോപി സുന്ദര്‍, എംജി ശ്രീകുമാര്‍-ലേഖ, ശ്രീദേവി-ബോണി കപൂര്‍, റീന കപൂര്‍-ആമിര്‍ ഖാന്‍, സെയ്ഫ് അലി ഖാന്‍-കരീന കപൂര്‍, വിരാട് കോലി-അനുഷ്‌ക ശര്‍മ്മ തുടങ്ങിയവരെല്ലാം ലിവിങ് റ്റുഗദര്‍ ജീവിതത്തെക്കുറിച്ച് പറഞ്ഞ് വാര്‍ത്തകളില്‍ ഇടം നേടിയവരാണ്. അഭയ ഹിരണ്‍മയിയുമായുള്ള ലിവ് ഇന്‍ റിലേഷന്‍ അവസാനിപ്പിച്ചതിന് ശേഷമായാണ് ഗോപി സുന്ദര്‍ അമൃത സുരേഷിനൊപ്പം ഒന്നിച്ചത്. ഞങ്ങളുടെ പ്രണയകഥ ഏറെ മനോഹരമാണെന്ന് പറഞ്ഞ ഇരുവരും വിവാഹത്തെക്കുറിച്ചുള്ള ചോദ്യങ്ങള്‍ക്ക് കൃത്യമായ പ്രതികരണം നല്‍കിയിരുന്നു. പ്രണയം വീട്ടിലൊന്നും അവതരിപ്പിച്ചിട്ടില്ല, സ്ഥിരമായി കണ്ടുവരുന്നത് പോലെയുള്ള കാര്യങ്ങളല്ല ഞങ്ങളുടെ ജീവിതത്തില്‍ സംഭവിച്ചത്. പ്രണയം അങ്ങ് സംഭവിക്കുകയായിരുന്നുവെന്നായിരുന്നു ഇരുവരും പറഞ്ഞത്. അഭയയുമായി വേര്‍പിരിഞ്ഞതിനെക്കുറിച്ചുള്ള ചോദ്യങ്ങള്‍ക്കും ഗോപി സുന്ദര്‍ മറുപടി നല്‍കിയിരുന്നില്ല.
വര്‍ഷങ്ങളായി ലിവിങ് റ്റുഗദറിലായിരുന്നവെന്നും പിന്നീടാണ് വിവാഹിതരായെന്നും എംജി ശ്രീകുമാറും ലേഖയും പറഞ്ഞിരുന്നു. അന്ന് ലിവിങ് റ്റുഗദറിനെ അനുകൂലിച്ചുവെങ്കിലും ഇന്നത്തെക്കാലത്ത് അത് ശരിയല്ലെന്ന അഭിപ്രായമാണുള്ളതെന്നും ഇരുവരും വ്യക്തമാക്കിയിരുന്നു. വിവാഹത്തിന് മുന്‍പ് വര്‍ഷങ്ങളായി ഒന്നിച്ച് താമസിച്ചതിനെക്കുറിച്ച് ബോളിവുഡ് താരങ്ങളെല്ലാം തുറന്നുപറഞ്ഞിട്ടുള്ളതാണ്. 13 വര്‍ഷത്തിന് ശേഷമായി വേര്‍പിരിയേണ്ടി വന്നതിനെക്കുറിച്ചുള്ള ആമീര്‍ ഖാന്റെയും റീന ദത്തയുടേയും തുറന്നുപറച്ചില്‍ വലിയ ചര്‍ച്ചയായിരുന്നു.
പ്രത്യേകിച്ച് ഉപാധികളൊന്നുമില്ലാതെ ഒന്നിച്ചുള്ള ജീവിതം സന്തോഷകരമായി പോവുന്നതിനിടെ വേര്‍പിരിഞ്ഞവരുണ്ട്. പതിവിന് വിപരീതമായി പരസ്പരം പഴിചാരലുകളില്ലാതെയായി വേര്‍പിരിഞ്ഞ് പിന്നീട് സുഹൃത്തുക്കളായി തുടരുന്ന താരങ്ങളുമുണ്ട്. വിവാഹ ഉടമ്പടിയല്ലാതെ ഒന്നിച്ച് ജീവിക്കുന്നതില്‍ തെറ്റൊന്നുമില്ലെന്നും പരസ്പര സഹകരണം നിലനില്‍ക്കുന്നിടത്തോളം ദീവിതം സുഗമമായിരിക്കുമെന്നായിരുന്നു ചില താരങ്ങള്‍ പ്രതികരിച്ചത്. വ്യക്തി ജീവിതവും സ്വകാര്യതയും ചര്‍ച്ചയായി മാറിയപ്പോള്‍ പോലും പ്രതികരിക്കാത്തവരുമുണ്ട്. താരങ്ങളും മനുഷ്യരാണ്. അവരവരുടെ ഇഷ്ടാനുസരണം ജീവിക്കാനുള്ള അവകാശം അവര്‍ക്കുമുണ്ട്. വിമര്‍ശകര്‍ പലപ്പോഴും ഇത് മനസിലാക്കാറില്ലെന്ന് മാത്രം.