വിവാഹ മോചിതരായവർ മക്കൾക്ക് വേണ്ടി ഇങ്ങനെ ചേർന്ന് നിൽക്കുമ്പോൾ! വൈറലായി ഒരു ചിത്രം! മക്കൾക്ക് വേണ്ടി ഒരുമിച്ച് ഐശ്വര്യയും ധനുഷും; ഒപ്പം വിജയ്‍യും ദർശനയും!

ധനുഷിൻ്റെയും ഐശ്വര്യയുടെയും മൂത്ത മകനായ യാത്ര സ്‌കൂളിലെ സ്പോർട്സ് ടീമിൻ്റെ ക്യാപ്റ്റനായി തെരഞ്ഞെടുത്തിരിക്കുകയാണ്. ഈ പരിപാടിക്കു സംബന്ധിക്കാൻ വേണ്ടിയാണ് ഇവർ ഒത്തിച്ച് എത്തിയത് എന്നാണ് റിപ്പോർട്ടുകളിൽ പറയുന്നത്. ഐശ്വര്യയും ധനുഷും വിവാഹബന്ധം അവസാനിപ്പിച്ചത് 18 വർഷത്തെ ദാമ്പത്യത്തിന് ശേഷമാണ്. മകൻ്റെ നേട്ടത്തിൽ അഭിമാനം കൊണ്ടും മകൻ്റെ കഴിവിനെ പ്രകീർത്തിച്ചും ഐശ്വര്യ ഇന്‍സ്റ്റഗ്രാമിൽ കുറിപ്പ് പങ്കുവച്ചിരുന്നു.

‘എത്ര മനോഹരമായാണ് ഒരു ദിവസം തുടങ്ങുന്നത് എന്നും എൻ്റെ ആദ്യത്തെ കുട്ടി ഇന്ന് സ്കൂളിലെ സ്പോർട്സ് ക്യാപ്റ്റനായി സത്യപ്രതിജ്ഞ ചെയ്യുന്നത് കാണുന്നത് അഭിമാനമാണ് എന്നും ഐശ്വര്യ ഇൻസ്റ്റാഗ്രാമിൽ കുറിച്ചിട്ടുണ്ട്.അവൻ്റെ അമ്മയായതിൽ അഭിമാനം കൊള്ളുന്നുവെന്നും മക്കളൊക്കെ വളരെ വേഗമാണ് വളരുന്നതെന്നുമാണ് ഐശ്വര്യ ഇൻസ്റ്റാഗ്രാമിൽ കുറിച്ചത്. ഐശ്വര്യയും ദർശനയും അടുത്ത കൂട്ടുകാരാണ്. വിജയ് യേശുദാസും ദർശനയും തമ്മിലുള്ള കുടുംബപ്രശ്നമൊക്കെ അടുത്തിടെ സോഷ്യൽ മീഡിയയിൽ വലിയ ചർച്ചയായി മാറിയിരുന്നു.

വിവാഹമോചനത്തിന് പിന്നിലെ കാരണങ്ങളെക്കുറിച്ച് ധനുഷും ഐശ്വര്യയും പ്രതികരിച്ചിരുന്നില്ല. തങ്ങളുടെ സ്വകാര്യത മാനിക്കണമെന്നായിരുന്നു ഇരുവരും കുറിപ്പിലൂടെ ആവശ്യപ്പെട്ടത്. മാസങ്ങള്‍ക്ക് മുന്‍പ് തന്നെ ഇരുവരും വേര്‍പിരിയാനായി തീരുമാനിച്ചിരുന്നുവെന്നും ധനുഷിന്റെ ചില ശീലങ്ങളാണ് ഐശ്വര്യയ്ക്ക് ഇഷ്ടപ്പെടാതിരുന്നത് എന്നായിരുന്നു റിപ്പോര്‍ട്ടുകള്‍.

ജോലിയുടെ കാര്യത്തില്‍ അങ്ങേയറ്റത്തെ ആത്മാര്‍ത്ഥതയാണ് ധനുഷിന്. അദ്ദേഹത്തെ അറിയുന്നവര്‍ക്കെല്ലാം ഇതേക്കുറിച്ച് അറിയാവുന്നതുമാണ്. ജീവിതത്തില്‍ ജോലിക്ക് ഏറെ പ്രാധാന്യം നല്‍കുന്നയാളാണ് അദ്ദേഹം. ജോലി സംബന്ധമായ തിരക്കുകളും യാത്രകളുമെല്ലാം പലപ്പോഴും കുടുംബജീവിതത്തെ ബാധിച്ചിട്ടുമുണ്ട്. കുടുംബത്തില്‍ അധികം സമയം ചെലവഴിക്കാതെ ധനുഷ് പൂര്‍ണമായും ജോലിയില്‍ മുഴുകിയതോടെയായിരുന്നു കുടുംബജീവിതത്തില്‍ വിള്ളല്‍ വന്നതത്രേ.