ഫേസ്ബുക്കിലൂടെ മെസ്സേജ് അയച്ച് പ്രണയത്തിലായി! ആരും ഇങ്ങനെ ചെയ്യരുത്! വിവാഹ ജീവിതത്തെക്കുറിച്ച് ശ്രുതിക പറഞ്ഞത്

ബിസിനസുകാരനായ അര്‍ജുനെയാണ് ശ്രുതിക വിവാഹം ചെയ്തത്. പ്രണയവിവാഹമായിരുന്നു ഇവരുടേത്. ഫേസ്ബുക്കിലൂടെയാണ് ശ്രുതിക അര്‍ജുനെ പരിചയപ്പെടുന്നത്. അടുത്ത സുഹൃത്തുക്കളായി മാറിയ ഇരുവരും പിന്നീട് പ്രണയത്തിലാവുകയായിരുന്നു. റൊമാന്റിക് മെസ്സേജുകളൊക്കെയായിരുന്നു അന്ന് അര്‍ജുന്‍ അയച്ചിരുന്നതെന്നും താരം പറയുന്നു. അങ്ങനെയാണ് അവനോട് ഇഷ്ടം തോന്നിയതും ആ ബന്ധം വിവാഹത്തിലേക്കെത്തിയതും.

വിവാഹ ശേഷം അവന്റെ ഫേസ്ബുക്ക് അക്കൗണ്ട് പരിശോധിച്ചപ്പോള്‍ ഞാന്‍ ഞെട്ടിപ്പോയിരുന്നു. എനിക്ക് അയച്ചത് പോലെയുള്ള മെസ്സേജുകള്‍ അവന്‍ വേറെ പെണ്‍കുട്ടികള്‍ക്കും അയച്ചിരുന്നു. 500 ലധികം പേര്‍ക്ക് അങ്ങനെയുള്ള മെസ്സേജ് അയച്ചിട്ടുണ്ട്. അതില്‍ 493 പേരെയും അവന് പരിചയമില്ലെന്നതാണ് വിചിത്രമായ കാര്യം. ഫേസ്ബുക്കിലൂടെ നിങ്ങളാരും പ്രണയിക്കരുത്, അത് അബദ്ധമായേക്കുമെന്നുമായിരുന്നു ശ്രുതിക തമാശയായി പറഞ്ഞത്.

സിനിമയിലൂടെ ശ്രദ്ധ നേടിയെങ്കിലും അഭിനയത്തില്‍ നിന്നും മാറുകയായിരുന്നു ശ്രുതിക. കുക്ക് വിത്ത് കോമാളിയിലൂടെയായാണ് താരം പിന്നീട് ശ്രദ്ധിക്കപ്പെട്ടത്. ഈ ഷോയില്‍ നിന്നും മികച്ച പിന്തുണയും സ്വീകാര്യതയുമായിരുന്നു ശ്രുതിക സ്വന്തമാക്കിയത്. സന്തോഷ് സുബ്രഹ്‌മണ്യത്തിലെ ജനീലിയയുടെ ക്യാരക്ടര്‍ പോലെയാണ് ശ്രുതിക എന്നാണ് ആരാധകര്‍ പറയാറുള്ളത്. ജാഡയൊന്നുമില്ലാതെയായാണ് ശ്രുതിക ആളുകളോട് ഇടപഴകുന്നതെന്നും ആരാധകര്‍ പറയാറുണ്ട്.

കുട്ടിക്കാലം മുതലെ സിനിമയെ അറിഞ്ഞും കണ്ടും വളര്‍ന്നയാളാണ് ശ്രുതിക. പ്രമുഖ തമിഴ് നടനായ തേങ്കേയ് ശ്രീനിവാസന്റെ കൊച്ചുമകളാണ് നടി. മുത്തശ്ശന്റെ പാരമ്പര്യം പിന്തുടര്‍ന്ന് കൊച്ചുമകളും സിനിമയിലെത്തുകയായിരുന്നു. തുടക്കം മുതലേ അവസരങ്ങള്‍ ലഭിച്ചിരുന്നുവെങ്കിലും എന്തോ രാശി ശരിയായിരുന്നില്ല. സിനിമയില്‍ തിളങ്ങാനാവാതെ വന്നതോടെ പഠനത്തില്‍ ശ്രദ്ധ കേന്ദ്രീകരിക്കുകയായിരുന്നു ശ്രുതിക.