ലിഡിയയോട് ഏറ്റവും കൂടുതല്‍ പ്രേമം തോന്നിയത് അവള്‍ ലേബര്‍ റൂമിലും ഞാന്‍ പുറത്തും നിന്നപ്പോള്‍! ഇസയുടെ ജനന സമയത്തെ കാര്യങ്ങളെക്കുറിച്ച് ടൊവിനോ തോമസ് പറഞ്ഞത്?

ഞാനൊരു കലിപ്പനായിരുന്നു. പുറത്ത് നിന്ന് നോക്കുമ്പോള്‍ കാണുന്ന ലൈഫ് നല്ലതായിരിക്കും. അങ്ങനെയല്ല കാര്യങ്ങള്‍. ഞാനും പ്രഷറൊക്കെ അനുഭവിക്കാറുണ്ട്. ആ സമയത്ത് അവരൊന്നും എന്നോട് സംസാരിക്കാറില്ല. പണ്ടെന്തായിരുന്നു, ഭയങ്കര ഷോര്‍ട്ട് ടെംപേര്‍ഡായിരുന്നു. അന്ന് ഞാന്‍ ടോക്‌സിക്കായിരുന്നു. ഇപ്പോ എനിക്കത് മനസിലാവും. അതിന് അനുസരിച്ച് മാറാനായി. അന്നത്തെ പല ചിന്താഗതികളും മാറി തിരിച്ചറിവുകള്‍ ലഭിച്ചു.

ജോലി ചെയ്‌തോണ്ടിരുന്നയാളാണ് ലിഡിയ. മക്കളെ നോക്കാനൊക്കെയായാണ് ജോലി രാജിവെച്ചത്. വേണേല്‍ നീ ജോലിക്ക് പൊക്കോ ഞാന്‍ കുറച്ച് നാള്‍ ഇവരെ നോക്കാമെന്നൊക്കെ പറയാറുണ്ട്. വീട്ടിലിരിക്കാനുള്ള കൊതി കൊണ്ട് പറയുന്നതാണ്. നിനക്കെന്ത് പണി,, ഇവിടെ പിള്ളേരുടെ കൂടെ കളിച്ചിരുന്നാല്‍ പോരെ എന്നൊക്കെ പറഞ്ഞ് അവളെ തമാശയാക്കാറുണ്ട്. ചുമ്മാ പറയുന്നതാണെന്ന് അവള്‍ക്കറിയാം.

എനിക്കെന്റെ ഭാര്യയോട് ഏറ്റവും കൂടുതല്‍ പ്രേമം തോന്നിയത് അവള്‍ ലേബര്‍ റൂമിനകത്തും ഞാന്‍ പുറത്തുമായി നില്‍ക്കുന്ന സമയത്താണ്. ഇസയുടെ സമയത്തെ കാര്യമാണ്. പ്രേമം കഴിഞ്ഞ് വിവാഹം കഴിച്ചപ്പോള്‍ കംപാനിയന്‍ഷിപ്പാണ്. എന്റെ കൂടെ പഠിച്ചൊരു കുട്ടി അവിടെ ജോലി ചെയ്യുന്നുണ്ടായിരുന്നു. ലിഡിയ പറയുന്നത് അവള്‍ എന്നോട് പറയും. ഇസയുടെ സമയത്ത് ചില കോംപ്ലിക്കേഷന്‍സുണ്ടായിരുന്നു. ടഹാന്റെ സമയത്ത് ഞാന്‍ ലേബര്‍ റൂമിലുണ്ടായിരുന്നു.

പുറമെ നിന്ന് കാണുന്നത് പോലെയല്ല എന്റെ ലൈഫ്. ഞാന്‍ ഫാമിലിയില്‍ നിന്നും ബ്രേക്കെടുത്ത് ഷൂട്ടിന് പോവുന്നതല്ല. ഷൂട്ടിനിടയിലെ ബ്രേക്കിലാണ് വീട്ടിലേക്ക് വരുന്നത്. അതൊക്കെ മനസിലാക്കി അതിന് അനുസരിച്ച് നില്‍ക്കുന്നയാളാണ് ലിഡിയ. എപ്പോഴും വിളിച്ചോണ്ടിരിക്കുന്ന ആളല്ല ലിഡിയ. ഇസയാണ് എന്നെ കൂടുതലും വിളിക്കുന്നത്. ടഹാന്റെ കൂടെ ഞാന്‍ കുറേക്കാലം നിന്നിട്ടുണ്ട്്. ലോക് ഡൗണ്‍ കാലത്തായിരുന്നു അവന്‍ ജനിച്ചത്. ഇസയ്ക്ക് ഓണ്‍ലൈന്‍ ക്ലാസായിരുന്നു. ഇപ്പോള്‍ അവനും വിളിച്ച് തുടങ്ങിയിട്ടുണ്ട്.