നടി ശോഭനയുമായി അസാധ്യ രൂപ സാദൃശ്യം ഉള്ള ഈ പെണ്‍കുട്ടി ആരാണ്, ഇത് ശോഭന അല്ല എന്ന് ആരും പറയില്ല!

ശോഭനയ്ക്ക് പകരം ശോഭന മാത്രം. ശോഭനയെ പോലെ ഇന്ത്യന്‍ സിനിമയില്‍ മറ്റൊരു നടി ഇല്ല. അഭിനയ മികവിലാണെങ്കിലും സൗന്ദര്യത്തില്‍ ആണെങ്കിലും നൃത്തത്തില്‍ ആണെങ്കിലും ശോഭനയെ വെല്ലാന്‍ ഒരു നടി ഉണ്ടായിട്ടില്ല. ആ ശോഭനയുടെ മുഖഛായയുള്ള പെണ്‍കുട്ടിയുടെ വീഡിയോ ആണ് ഇപ്പോള്‍ വൈറലാവുന്നത്.

ശിവശ്രീ എന്നാണ് ഈ പെണ്‍കുട്ടിയുടെ പേര്. തമിഴ്‌നാട്ടുകാരിയായ ശിവശ്രീ കര്‍ണാട്ടിക് സംഗീതത്തില്‍ പ്രകത്ഭയാണ്. പാട്ട് മാത്രമല്ല, ശോഭനയെ പോലെ നൃത്തത്തിലും പ്രാവീണ്യം തെളിയിച്ചിട്ടുണ്ട്. ശിവശ്രീയുടെ കര്‍ണാട്ടിക് സംഗീതം ആലപിയ്ക്കുന്ന വീഡിയോ ആണ് സോഷ്യല്‍ മീഡിയയില്‍ വൈറലാവുന്നത്.

തന്റെ ഇന്‍സ്റ്റഗ്രാമില്‍ കച്ചേരിയ്ക്ക് മുന്നേ ശിവശ്രീ തത്-ത്വം എന്നതിനെ കുറിച്ച് സംസാരിക്കുന്ന ഒരു വീഡിയോ പങ്കുവച്ചിട്ടുണ്ട്. അതിനെ താഴെ വരുന്ന കമന്റുകള്‍ മുഴുവന്‍, ശോഭനയെ പോലെ തന്നെയുണ്ട്. ഇത് ശോഭന മാം തന്നെ, ശോഭനയാണോ, ശോഭനയുടെ ബന്ധുവാണോ എന്നൊക്കെ ചോദിച്ചുകൊണ്ടുള്ള കമന്റുകളാണ്.

പ്രചരിയ്ക്കുന്ന വീഡിയോയില്‍, ശിവശ്രീയെ കണ്ടാല്‍ ശോഭന അല്ല എന്ന് ആരും പറയില്ല. എന്നാല്‍ താരത്തിന്റെ തന്നെ മറ്റ് ചിത്രങ്ങളില്‍ ശോഭനയുമായി വലിയ രൂപ സാദൃശ്യമോ മുഖ സാദൃശ്യമോ കാണാന്‍ സാധിയ്ക്കുന്നില്ല.