ലാലേട്ടൻ തകർക്കും; ഭീമനാകാൻ ഗംഭീര മേക്കോവർ നടത്തി ലാലേട്ടൻ

ബാഹുബലിയ്ക്ക് ശേഷം ബിഗ് സ്ക്രീനിലെത്തുന്ന മറ്റൊരു ഇതിഹാസ ചിത്രമായിരിക്കും വിഎ ശ്രീകുമാർ സംവിധാനം ചെയ്യുന്ന മഹാഭാരതം. എംടി വാസുദേവൻ നായരുടെ രണ്ടാമൂഴത്തെ ആസ്പദമാക്കി ഒരുങ്ങുന്ന ചിത്രത്തിൽ മോഹൻലാലാണ് ഭീമന്‍റെ വേഷത്തിലെത്തുന്നത്. ഇപ്പോൾ ഭീമനാകാനുള്ള ഗംഭീര മേക്കോവറിലാണ് താരമെന്നാണ് സിനിമാലോകത്ത് നിന്നുള്ള പുതിയ വാർത്ത.

പുരാണത്തിൽ ബുദ്ധികൊണ്ടും ശക്തികൊണ്ടും കരുത്ത് തെളിയിച്ചിട്ടുള്ള ഭീമൻ എന്ന കഥാപാത്രത്തെ ഉൾക്കൊള്ളാൻ മാനസികവും ശാരീരികവുമായിട്ടുള്ള തയ്യാറെടുപ്പുകൾ നടത്തിവരികയാണ് ലാലേട്ടൻ. ആയോധന കലകളൊക്കെ വഴങ്ങുമെന്ന് നേരത്തെ തന്നെ താരം തെളിയിച്ചിട്ടുണ്ട്. ഇനി കഥാപാത്രത്തിന് വേണ്ട ലുക്കാണ് വേണ്ടത് അതിനുള്ള കഠിനപ്രയത്നത്തിലാണ് ലാൽ. രണ്ടാമൂഴം തിരക്കഥയാക്കിപ്പോൾ എംടിയുടെ മനസിൽ ഭീമൻ വേഷം ചെയ്യാൻ പറ്റുന്നതായി ഒരാൾ മാത്രമെ ഉണ്ടായിരുന്നുള്ളൂ, അത് മോഹൻലാലായിരുന്നു. മോഹൻലാലിന് അല്ലാതെ മറ്റൊരാൾക്കും ഭീമനാകാൻ സാധിക്കില്ലെന്നു തന്നെയാണ് ചിത്രത്തിന്‍റെ സംവിധായകനും പറഞ്ഞത്.

ഏവരും വിശ്വാസമർപ്പിച്ച് തന്നെ ഏല്പിച്ച കഥാപാത്രത്തെ അങ്ങേയറ്റം വിജയിപ്പിക്കാനുള്ള കഠിനപരിശ്രമത്തിലാണ് ലാലിപ്പോൾ. തിരക്കുകൾക്കിടയിലും ഒന്നരവർഷത്തെ സമയമാണ് ലാൽ ഇതിനായി നീക്കി വച്ചിരിക്കുന്നത്. ഇതുവരെ ഇത്രയും നീണ്ട ഡേറ്റ് ഒരു ചിത്രത്തിനും നൽകിയിട്ടില്ലെന്നാണ് ലാലേട്ടൻ തന്നെ പറയുന്നത്. അതുപോലെ സിനിമയിൽ മറ്റൊരു കഥാപാത്രത്തിനും ഇത്ര വലിയ ഒരുക്കങ്ങൾ താൻ നടത്തിയിട്ടില്ലെന്നും ലാൽ സമ്മതിക്കുന്നു.

മഹാഭാരതത്തെ കുറിച്ച് ലാലേട്ടന് എഴുതിയ ബ്ലോഗില്‍ തന്‍റെ ജിവിതത്തെ സിനിമയും കഥാപാത്രവും എത്രമാത്രം സ്വാധിനിച്ചിട്ടുണ്ടെന്ന് പ്രതിപാദിച്ചിട്ടുണ്ട്. അടുത്തവർഷത്തോടെ ഷൂട്ടിങ് ആരംഭിക്കന്ന ചിത്രം 2020 ത്തോടെയായിരിക്കും പൂർത്തിയാവുക.

WHOA! Mohanlal To Get A Makeover For Randamoozham

Mohanlal, the complete actor is all set to play the epic character Bheeman, in the upcoming prestigious project Randamoozham aka The Mahabharata. Reportedly, Mohanlal is planning to go for a complete makeover for the movie.