ധ്യാനിന്‍റെ സിനിമാ ലോഞ്ചിങ്ങിന് വിനീത് എത്താത്തതിന് കാരണം

ധ്യാന്‍ ശ്രീനിവാസന്‍റെ കന്നി സംവിധാന സംരംഭ ചിത്രത്തിന്‍റെറിപ്പോര്‍ട്ടുകള്‍ പുറത്ത് വന്നതോടെ അരാധകര്‍ ആകാംക്ഷയിലാണ്. 'ലവ് ആക്ഷന്‍ ഡ്രാമ' എന്ന് പേരിട്ടിരിക്കുന്ന ചിത്രത്തിലെ താരങ്ങളുടെ പേരുകൾ തന്നെ വളരെ കൗതുകമുണര്‍ത്തുന്നതാണ് വടക്കുനോക്കിയന്ത്രത്തിലെ ശ്രീനീവാസന്‍റെയും ശേഭനയുടെയും കഥാപാത്രങ്ങളുടെ പേരുകളാണ് ചിത്രത്തിനെ നായികാ നായകന്മാര്‍ക്ക് നൽകിയിരിക്കുന്നത്. തളത്തില്‍ ദിനേശനായി നിവിന്‍ പോളിയും ശോഭയായി നയന്‍താ‍രയും എത്തുന്നു. ധ്യാന്‍ ശ്രീനിവാസന്‍ തിരക്കഥയെഴുതി സംവിധാനം ചെയ്യുന്ന ചിത്രം നിര്‍മ്മിക്കുന്നത് അജു വര്‍ഗീസാണ്. എന്നാൽ കഥാപാത്രങ്ങളുടെ പേരുകൾ കേട്ട് ചിത്രം വടക്കുനോക്കിയന്ത്രത്തിന്‍റെ രണ്ടാം ഭാഗമാണെന്ന് തെറ്റിദ്ധരിക്കേണ്ട. ഈ ചിത്രത്തിന് ആ ചിത്രവുമായി യാതൊരു ബന്ധവുമില്ല.




ഈ സിനിമയിലെ ദിനേശനും അല്‍പ്പം അപകര്‍ഷതാ ബോധമൊക്കെയുള്ള ആളാണ്. കഥ പൂര്‍ണമായും ചെന്നൈയിലാണ് നടക്കുന്നത്. അച്ഛന്‍ ശ്രീനിവാസന്‍റെ പാത പിന്തുടര്‍ന്നാണ് വിനീത് ശ്രീനിവാസന്‍ സിനിമയിലേക്കെത്തിയത്. അഭിനയവും ആലാപനവും സംവിധാനവുമൊക്കെയായി മലയാള സിനിമയില്‍ ഇതിനോടകം തന്നെ വിനീത് ഇടം പിടിച്ചു കഴിഞ്ഞെങ്കിലും സ്വന്തം അനിയന്‍റെ സിനിമയുടെ ലോഞ്ച് ചടങ്ങിന് വിനീതിന്‍റെ അഭാവം പ്രകടമായിരുന്നു.

വിനീത് ശ്രീനിവാസന്‍ സംവിധാനം ചെയ്ത തിരയിലൂടെയാണ് ധ്യാന്‍ ശ്രീനിവാസന്‍ സിനിമയിലേക്കെത്തിയത്. സംവിധാനത്തിലും താല്‍പര്യമുണ്ടെന്ന് അന്നേ താരം വ്യക്തമാക്കിയിരുന്നു. ധ്യാനിന്‍റെ സിനിമാ ലോഞ്ചിങ്ങിലെ അസാന്നിധ്യത്തിന്‍റെ കാരണം വ്യക്തമാക്കി വിനീത് തന്നെ രംഗത്തെത്തിയിരിക്കുകയാണ് ഇപ്പോൾ. 'താന്‍ ചെന്നൈയില്‍കുഞ്ഞിന്‍റെ ഡയപ്പര്‍ മാറ്റുന്ന തിരക്കിലാണെന്ന്' സ്വതസിദ്ധമായ ശൈലിയിൽ വിനീത് ഫേസ്ബുക്കിൽ കുറിച്ചു. എല്ലാവർക്കും ആശംസകൾ നേരാനും താരം മറന്നില്ല.




എട്ടുവര്‍ഷങ്ങള്‍ക്ക് മുമ്പ് ധ്യാന്‍ എഴുതിത്തുടങ്ങിയ കഥയാണ് യാഥാര്‍ഥ്യത്തിലേക്ക് ചുവടുവെക്കുന്നത്. തട്ടത്തിന്‍ മറയത്ത് അഞ്ചുവര്‍ഷം പൂര്‍ത്തിയാക്കിയ വേളയിലാണ് ഈ സിനിമ അവതരിപ്പിക്കുന്നതെന്നും. അച്ഛന്‍ ഈ സിനിമയില്‍ അഭിനയിക്കുമോ എന്ന് അറിയില്ലെന്നും അദ്ദേഹത്തോട് കഥ പറഞ്ഞിട്ടില്ലെന്നും ധ്യാന്‍ ശ്രീനിവാസന്‍ ചടങ്ങിൽ വ്യക്തമാക്കി.

Why didn't Vineeth Sreenivasan attend Dhyan's new movie launch

Why didn't Vineeth Sreenivasan attend Dhyan's new movie launch: Vineeth Explaining the Reason