അവയവദാനത്തിന് സന്നദ്ധത പ്രകടമാക്കി നടി പാര്‍വതി

കൊച്ചി: അവയവദാനത്തിന് താൻ തയ്യാറാണെന്ന് നടി പാര്‍വതി. ലോക നേഴ്സസ് ദിനത്തില്‍ അവയവദാനത്തിന്‍റെ മഹത്വത്തെ കുറിച്ച് സംസാരിക്കവേ ആണ് അവയവദാനത്തിനുള്ള സന്നദ്ധത നടി പ്രകടമാക്കിയത്. കൊച്ചി കിംസ് ആശുപത്രിയില്‍ ലോക നേഴ്സ് ദിനം ഉദ്ഘാടനം ചെയ്യുകയായിരുന്നു നടി പാര്‍വതി.

ടേക്ക് ഓഫ് എന്ന സിനിമയില്‍ അഭിനയിച്ചപ്പോഴാണെന്ന് നേഴ്സുമാരുടെ മഹത്വം യഥാര്‍ഥത്തില്‍ മനസിലാക്കിയത്. നേഴ്സുമാരാണ് ഓരോ ആശുപത്രിയുടേയും നട്ടെല്ല്. മാനേജുമെന്‍റുകള്‍ അവരുടെ ജീവിത സാഹചര്യം ഉയര്‍ത്താനും അവരുടെ അവകാശങ്ങള്‍ക്ക് വേണ്ടി ശബ്ദമുയര്‍ത്താനും തയ്യാറാവണം. അതിനായി സര്‍ക്കാരിനെ സമീപിക്കണമെന്നും നടി പാര്‍വതി ഓര്‍മിപ്പിച്ചു.

നേഴ്സുമാരുടെ ജീവിത കഥ പറഞ്ഞ ടേക്ക് ഓഫിലെ നായികക്ക് കിംസ് ആശുപത്രിയിലെ നേഴ്സുമാര്‍ ശ്രേഷ്ഠമായ സ്വീകരണമാണ് നൽകിയത്. മഹേഷ് നാരായണന്‍ സംവിധാനം ചെയ്ത ടേക്ക് ഓഫിലെ സമീറ എന്ന നേഴ്സ് കഥാപാത്രം പാര്‍വതിയുടെ കരിയറിലെ തന്നെ ഏറ്റവും മികച്ച കഥാപാത്രമായാണ് സിനിമാലോകം വിലയിരുത്തുന്നത്.

Willing to donate my Organs: Actres Parvathy

Actress Parvathy revealesd that she is willing to donate her Organs