സ്നേഹത്തോടെ നിന്‍റെ സ്വന്തം ചാലു ചേട്ടാ; മായയ്‍ക്ക് ദുൽഖറിന്‍റെ ആശംസ

ഇക്കഴിഞ്ഞ വാലന്‍റൈൻസ് ദിനത്തിലാണ് വിസ്മയ എഴുതിയ കവിതാസമാഹാരം ‘ഗ്രെയിൻസ് ഓഫ് സ്റ്റാർഡസ്റ്റ്’ പുറത്തിറങ്ങിയത്. പെൻഗ്വിൻ ബുക്സാണ് പുസ്തകം പുറത്തിറക്കിയിരിക്കുന്നത്. മകളുടെ പുതിയ കാൽവെയ്പ്പിന് ആശംസകളുമായി നടനും അച്ഛനുമായ മോഹൻലാൽ സോഷ്യൽമീഡിയയിൽ കുറിപ്പ് പങ്കുവെച്ചതിന് പിന്നാലെ നിരവധി താരങ്ങളും ആരാധകരും ആശംസകളുമായി എത്തിയിരുന്നു.

ഇപ്പോഴിതാ നടൻ ദുൽഖര്‍ സൽമാനും ആശംസകള്‍ അറിയിച്ചിരിക്കുകയാണ്. വിസ്മയയെ കുറിച്ച് എനിക്കുള്ള ഏറ്റവും പ്രിയപ്പെട്ട ഓർമ്മ ചെന്നൈയിൽ വെച്ച് അവളുടെ ഒന്നാം പിറന്നാളാഘോഷം നടന്ന സമയത്തുള്ളതാണ്. അവൾക്കു വേണ്ടി വലിയ ആഘോഷങ്ങളായിരുന്നു അവിടെ. അതിമനോഹരിയായി സ്വര്‍ണ്ണ നിറത്തിള്ളൊരു വസ്ത്രമണിഞ്ഞ് ഏറെ സുന്ദരിയായിരുന്നു അവള്‍. പക്ഷേ കുറച്ചുകഴിഞ്ഞപ്പോൾ പിറന്നാളുകാരിയെ കാണാനുണ്ടായിരുന്നില്ല, ദുൽഖര്‍ കുറിച്ചിരിക്കുകയാണ്.

Also Read: അച്ഛനെന്ന നിലയിൽ അഭിമാന നിമിഷം; മകളുടെ പുസ്തകത്തെ പരിചയപ്പെടുത്തി മോഹൻലാൽ

അപ്പോഴാണ് അവളുടെ അമ്മ കുഞ്ഞ് ഉറങ്ങിപ്പോയെന്ന് അതിഥികളെ അറിയിച്ചത്. പിറന്നാൾ കുട്ടി ഉറങ്ങിപ്പോയ ആ വലിയ പാര്‍ട്ടി ഞാൻ ഇടയ്ക്ക് ഓര്‍ക്കാറുണ്ട്. ഇപ്പോള്‍ അവള്‍ വളർന്ന് വലുതായി. അവളുടേതായ വഴി തെളിച്ചിരിക്കുകയാണ്. ഇത്രയും ചെറുപ്രായത്തില്‍ തന്നെ ഒരെഴുത്തുകാരിയായിരിക്കുന്നു അവള്‍.

പ്രായത്തെ വെല്ലുന്നഅവളുടെ ചിന്തകളും കലയും കവിതകളും ഡൂഡിലുകലുമൊക്കെ. അവളുടെ വളർച്ചകളും അനുഭവങ്ങളും എല്ലാം ചേര്‍ന്നുള്ളൊരു ഉൾക്കാഴ്ച ഈ പുസ്തകം നൽകുന്നതാണ്. എനിക്ക് ഈ പുസ്കതത്തിലെ ഏറെ പ്രിയപ്പെട്ട ചിത്രവും വരികളും ഇവിടെ ചേര്‍ക്കുന്നു. എല്ലാം ആശംസകളും മായ, നീ അഭിമാനമാണ്, ഏറെ സ്നേഹത്തോടെ ചാലു ചേട്ടാ, ദുൽഖര്‍ കുറിച്ചിരിക്കുകയാണ്.

ഇനി ഈ പുസ്തകത്തിന്‍റെ വിജയാഘോഷ പാര്‍ട്ടി നടക്കുമ്പോള്‍ നീ നേരത്തേ ഉറങ്ങിപ്പോകരുതെന്നും ദുല്‍ഖര്‍ നര്‍മ്മത്തോടെ ഓര്‍മ്മിപ്പിച്ചിട്ടുമുണ്ട് വിസ്മയയെ. അച്ഛനേയും സഹോദരനേയും പോലെ സിനിമകളിൽ വിസ്മയ സജീവമല്ലെങ്കിലും ഏറെ ആരാധകരുള്ള താരപുത്രിയാണ് വിസ്മയ എന്ന മായ. ഇൻസ്റ്റയിൽ സജീവമായ വിസ്മയയ്ക്ക് നിരവധി ഫോളോവേഴ്സുണ്ട്. താൻ വരച്ച ചിത്രങ്ങളും തന്‍റെ മാര്‍ഷൽ ആര്‍ട്സ് പരിശീലന വീഡിയോകളുമൊക്കെ ഇടയ്ക്കിടെ വിസ്മയ ഇൻസ്റ്റയിൽ പങ്കുവയ്ക്കാറുണ്ട്.

Also Read: ഇരുപത്തിയഞ്ചിൻ്റെ നിറവിലേക്ക് അനുപമ, ആശംസകൾ നേർന്ന് തെന്നിന്ത്യൻ സിനിമാലോകം!